بطاقة معايدة

[المعلم]

بالعيد أهني غاية القلب ومناه

من عاشقٍ يكتب شعوره قصيده

الصاحب اللي كل ما جيت ابنساه

قامت دواليب الطواري تعيده

الطيف والذكرى وباقي هداياه

ورسمٍ على مر الزمن ما يبيده

رسمٍ مقره بالخفوف وحناياه

وحبٍ مع الأيام يكبر رصيده

واظهر خفاء خافي خفايه خفاياه

وروّضت صعبات البيوت العنيده

كم طرق شعرٍ من غرامه طرقناه

مسحوب وهجيني هلالي نجيده

سامي عن الميلة بيوته مقفاه

موزون ماضم الردي والزهيده

اهديه للغالي كلامه ومعناه

من خافقٍ ضخ الغلافي وريده

بابيات شعرٍ من ضميري منقاه

بدائعٍ مثل الدررله جديده

مقرونةٍ باسمى التهاني ومهداه

تنشر بصفحات الادب بالجريده

للي زهاه اتيه واللبس يزهاه

زاد الجواهر كلمها ما تزيده

العفو نور الصبح طلة محياه

واوصاف ما توجد بغيره فريده

بيني وبينه نازح البعد يحداه

وأنا حداني والمحبة شديده

كم ليل ظلمي بالليالي سريناه

لغطّت الظلمى جباله وبيده

من شأنهم بعد المسافة طويناه

ينحى القدم والقلب للي يريده

وجدي على شوفه وهرجه ولقياه

وجد الغريب اللي بلاده بعيده

وما قدر الباري علينا وضيناه

والحكم لله والاوادم عبيده

نايف قزعان الحويماني

[عاشق حزن]

قصيدة روعة

صح لسان شاعرها


وسلمت يمينك اخي المعلم على نقلها لنا

واختيار موفق


اعجبتني القصيدة وانا اتصفح قسم الشعر قلت

لازم اعيدها للصفحة الاولى ما دام احنا في العيد

تحيتي

[المعلم]

شكرا أخي عاشق حزن
ذوقك رفيع
تحيتي لك