ليلة رديح الشاب / عبدالله مصطفى عبيد في يوم الخميس الموافق 22/08/1430 هـ

[باسم أبوغندر]

السلام عليكم ورحمة الله
أقيم هذا الرديح بمناسبة زفاف الشاب / عبدالله مصطفى عبيد ( العود ) في يوم الخميس الموافق 22 / 08 / 1430 هـ ( الداعي : الشاعر / ياسر صالح الكبيدي )
في قاعة نوف بجده وقد حضر صف ينبع ويمثله كلا ً من
( الشاعر / أحمد علي بن هيرون ) و ( الشاعر / ناصر ظاهر الحجوري ) و ( الشاعر / محمد مسلم أبو هريويل )
و ( الشاعر / محمد جميل الريفي ) و ( الشاعر / عبدالله محمد الخفاجي ) .
وحضر صف جده ويمثله
( الشاعر / عبدالعزيز بنيه العروي ) و ( الشاعر / ماجد أبو مديده ) ورفاقهم .

[poem=font=",6,white,bold,italic" bkcolor="darkred" bkimage="" border="none,4," type=0 line=0 align=center use=ex num="0,black""]
لحن ليحاني=
ينبع=
اعداد ماهلت الامطار=واعداد كل الذي تحييه
سلام مرسوم للشعار= على حسب طالعه ترعيه
جده=
اعداد ماشافت الانظار=والنوب واللي تواجد فيه
ترحيب طاف المدار ودار=محدا من الناس نستثنيه
ينبع=
كملت يامعاصر اهل الكار=هذا الذي كنت متحريه
نبغى لنا فالمثل تذكار=الكل فغيابنا يطريه
جده=
لاهل الصفا عندنا مقدار=ياخذ منه قد مايعطيه
هات المثل وانشر الاخبار=ونسجله للذي قاريه
ينبع=
صار الذي ماضمرته صار=لما تبين لنا خافيه
فالوضع ماشفتلي فيدار=مثل الذي للزمن مبقيه
جده=
لا شك فيه الزمان اطوار=تساير الوقت وتجاريه
ياليت تكشف عن الاسرار=ونفتيك في وضع تستفتيه
ينبع=
احترت انا والدليل احتار=عكر على خاطري صافيه
وقلبي تجرع من الامرار=وحصل من المر مايكفيه
جده=
اللي محير لك الافكار =واقع ولابد تستقديه
بالود والطيب والاصرار=كل شي يرجع على ماضيه
وياصحابنا سامحونا=
وانكسر لحن ليحان=
*=
*=
*=
لحن سلام =
جده=
ياشادي الصوت غنيبه=باحساس والكل يستمعه
جرحا بفرق مكاتيبه=ياصحابنا فككوا شمعه
ينبع=
ماهو الذي كنت محريبه=ليه المثل زل عن ربعه
القيل يحتاج ترتيبه=حتى نتوصل على نفعه
جده=
قولي على صرح تنصيبه=ياصحاب لا تخلفوا وضعه
وبالعند تسعوا بتغريبه=زايد على اللي همل دمعه
ينبع=
لاتودي القول وتجيبه=القيل معروف من نبعه
الجرح لا حتجت تطبيبه= دواه يوصف حسب طبعه
جده=
مايمدي الوقت تدريبه=اللي مأمل فهم شرعه
واعظم من الجرح تكذيبه=لا صك عن شكوتي سمعه
ينبع=
ما انكر لطالب مطاليبه=والقيل ما يعزيني رفعه
والطايح الحكم ما يثيبه=هذا الذي قرروا جمعُه
وانكسر لحن سلام=
وياصحابنا سامحونا =
[/poem]

[باسم أبوغندر]

وهنا أستأذن كلا ً من الشاعر / أحمد علي بن هيرون و الشاعر / عبدالله محمد الخفاجي
وأستلم اللكلام الشعراء ( ناصر الحجوري و محمد الهريويل ومحمد الريفي )


[poem=font=",6,white,bold,italic" bkcolor="darkred" bkimage="" border="none,4," type=0 line=0 align=center use=ex num="0,black""]
لحن زمانين
ينبع
الليل كان انتهى زامه = الصبح جانا ويبغى زام
والقيل ماينكر اعلامه = اللي لهم تُُُُُُُُُُُُُنشر الاعلام
جده
الليل قفى بأنغامه = والصبح نستقبله بأنغام
والقيل يمشي على نظامه = مادام له فالاساس نظام
ينبع
ليل الصفاء غيرنا ضامه = جابه برفعة عصى وحسام
ومن بعد ماكنت مقدامه = اليوم بعدي بلا مقدام
جده
الوضع مانجهل اصدامه = مكشوف مايقبل استرحام
لوكان تسعون في ليامه = يعود جو الغرام ليام
ينبع
جُُُُُُُُُُُُل السعو ضاع في زحامه = ابغى الملايم ويبغى زجام
لاشافني جيت قدامه = ماوده يشوفني قدام
جده
تفكروا سابق ايامه = ياصحاب يكفي جدل وخصام
امشوا على نهج فهامه = لاتجعلونه شُعب واقسام
ارداف الشاعر
محمد الهريويل
علامة القيل لا سامه =ما يهَزمن قيل للرسام
صنديد من سابق اعوامه=لظروف حدت عنه ما يلام
جده
وإن كان منته من اخصامه = من عندنا تستحق وسام
نوقف سوا ضد ظلامه = ويعود جو الغرام التام

وأنكسر لحن زمانين
وياصحابنا سامحونا
[/poem]


[poem=font=",6,white,bold,italic" bkcolor="darkred" bkimage="" border="none,4," type=0 line=0 align=center use=ex num="0,black""]
[/poem][poem=font=",6,white,bold,italic" bkcolor="darkred" bkimage="" border="none,4," type=0 line=0 align=center use=ex num="0,black""]لحن مالك الروح
جده
نزاف الافكار مايرحم = ومشاغله زاد عن حده
اغلى ثمن للموده كم = يقدمه ود لموده
ينبع
بحر الموده غزير قيم = من ود وده ماحد قده
واغلى ثمن يدفعه مغرم = يقدم التضحيه لوده
جده
ليه الغضي مر ماسلم = وانا محافظ على عهده
يزيدني فوق همي هم = وأنا الذي منتظر رده
ينبع
حضرت جنابك عنه تعلم= عندك جواب لسبب صده
لو الهوى حنّ وتكرم = ماكل عاشق شكى ضده
جده
بالامس ودي معي مهتم = راحات يدي على يده
واليوم صار الامر مبهم = ومدري على الصد وش حده
ينبع
الود ماحد منه يسلم = يسقي مراره بعد شهده
يموت راعيه ماتعلم = ولا فهم جزره ومده
درب الموده صعيب اظلم = غلطان من يدعي نده
مسكين راعيه مايغنم = غير العنى من سبب سهده

وياصحابنا سامحونا
وانكسر لحن مالك الروح
وأنتهى الرديح في تمام الساعه 11.30 صباحا ً
في يوم الجمعه
الموافق : 23/08/1430 هـ
[/poem]

[أبو رامي]

ليلة جميلة وألحان رائعة
شكرا أخي باسم أبو غندر على نقل هذا الرديح
وشكرا للشعراء الكرام
وقد لفت نظري عودة الشاعر الكبير
أحمد علي هيرون لساحات الرديح
فشكرا لكل من ساهم بعودته ونتمنى له الاستمرار

[أبو سفيان]

شكرا يا باسم على النقل ... ويظهر أنها ليلة رديح حظيت بمشاركة نخبة من شعراء الكسرة
تجمعهم الرغبة ويحذوهم الأمل في التصافي وكان واضحا من السجال والمحاورات
أن للشعر أحكام وللمناسبة نظام وللمشتكيات أعلام وفهّـام
وكلها تصب في مصلحة هذا الموروث الجميل برعاية أهله ورواده ومحبيه .

[أسير السهر]

شكرا يا باسم على النقل ... ويظهر أنها ليلة رديح حظيت بمشاركة نخبة من شعراء الكسرة
تجمعهم الرغبة ويحذوهم الأمل في التصافي وكان واضحا من السجال والمحاورات
أن للشعر أحكام وللمناسبة نظام وللمشتكيات أعلام وفهّـام
وكلها تصب في مصلحة هذا الموروث الجميل برعاية أهله ورواده ومحبيه .

ويستاهل عبد الله ويستاهل والد عبد الله ( العم مصطفى غنيم ) وأسال الله التوفيق