من يرد العلم لمدلل زمانه

قبل يرتد العتب من رمش عينه

من يسلم لي عليه ومعه أمانه

يعتذر من سيد القلب وظنينه

الله اللي طوع العطر لبنانه

ما نشدت قرنفله عن ياسمينه

كنت أسولف للندى عن قحويانه

قبل يجمعه المطر.. بين اصبعينه

آه منه ومن غلاه ومن حنانه

ومن نهار ما جمع بيني وبينه

ما حلا تله لقلبي واسهيانه

كن ما قبله صباح ولا مدينه

كل هذا بس من ضحكة ثمانه

قاد خفاقي معه قود الرهينه

الله أعلم لا تثنى خيزرانه..

من نصدق قذلته والا جبينه؟!

مساعد الرشيدي