منع السفر للمدينين لشركة الكهرباء والاتصالات والمرور

[دايم السعد]

كان من الأولى حماية المواطنين العاديين لا الشركات والمؤسسات الحكومية فالمؤسسات الحكومية في غنى عن هذا وباستطاعتها الحصول على حقوقها في خلال 24 ساعة في أسوأ الحالات.

[عاشق حزن]

لا حول ولا قوة الا بالله
من زين الخدمات اللي تقدمها شركة الكهرباء والاتصالات
ما غير نصب ونهب للمواطن الغلبان
ليش ما يفصلون الخدمات عن الدوائر الحكومية اللي ما تسدد والا حرهم وقوتهم على الناس
الفقرانه ,,, والمرور روحوا وشوفوا ارادتهم اللي يطلعونها يوميا
وكل يوم تفتيش على الرخص والاستمارات ,, حتى صار البعض يخاف يخرج لا يطيح بنقطة
تفتيش ,,, والله فالمدينه مطفشينا المرور والدوريات الامنيه ,, لا والاغرب اني في يوم لقيت
دوريات الامن الوقائي يفتشون على الرخص ,, وبصراحة ما استبعد اننا نلاقي بكره الدفاع المدني
مسوي حملات تفتيش ,,
لا والمرور كمان مطفش اللي يكدون بسياراتهم الخاصة يقولون ممنوع تحمل ركاب واذا شافوك
محمل ركاب اعطوك مخالفة ,, طيب هذا اللي يمشور ويشيل ركاب اكيد ما عنده دخل ولا راتب
ولا وعمل ,,ولا عنده فلوس علشان ياخذ سيارة اجرة ,, ليش يقطعون رزقه
والمصيبه انك تشوف الاجانب تشيل ركاب ولا احد يقلهم شيء ,, اما السعودي فممنوع تحمل ركاب ,, انا شفت بعيني سواقين عوائل يشيلون ركاب بسيارات كفلائهم فين المرور عنهم

مرة اخذت لي راكب مقيم وقلي انه مرة ركب مع واحد سعودي ولقوا تفتيش في طريقهم ,, وبعد ما نزل صاحب السيارة السعودي وراح للعسكر اللي يفتشون راح عسكري وسأل الراكب وقله كم اخذ منك صاحب السيارة !
كثير من رجال المرور لما يكونون في اجازة وبلبسهم المدني يحملون ركاب !!
اعمل الحلال ما فيه شيء بس للأسف عندنا ناس تحب تقطع الأرزاق مثل البلديه ياويلك لو شافوك تبيع بعربية أو بسطة وخصوصا عندنا فالمدينة كل يوم وهم مطاردين السعوديين والسعوديات اللي يدورون رزق حلال .

شكرا اخي الكريم

ومثل ما قال اخونا عبد الهادي ( أنا والجميع عارفين إن الكلام في المنتديات مجرد فش غل وبس ولا راح يغير ولا يبدل )

سامحونا على الاطالة

[المطرفي2]

صلى على النبى لاياشيخ لو طبق( هزلت)

[لست وحدي]

بصراحه مااظن انهم يتخذوا هالخطوه عشوائيه ليش مافكروا في سلبيلتها
وايجابياتها , مافكروا ان نسبة الفقر عندنا وصلت ضعف 22 في الميه
مافكروا ان البعض مايطلع للخارج الا من اجل العلاج لا من اجل السياحه
مافكروا ومافكروا و و و؟؟؟؟؟؟؟؟؟ وترى ماكل مايكتب يصدق
وين الشورى وين التصويت على القرار وبعدهم مجلس الوزراء
مانقول الا الله يعطينا الصالح منهم ,دمتم بخير

[احمد2002]

انسي انها تتطبق والكل عارف السبب