تذكره ذهاب واياب مع اقامه يومين فى مكه لاداء العمره لاحلى قصيده تطرح فى هذا القسم

[صالح السناني]

أستاذنا أبو سفيان

هذه مشاركتي المتواضعه وشكراً للجميع[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=2 line=200% align=center use=ex length=0 char="" num="0,black" filter=""]
البارحه من خشية الرب هليت=دمع الخشوع وقلت ياربي اهداك
بكيت بين ايديك يامحيي الميت=ساجد لوجهك طالباً منك رحماك
يامن ليا ضاقت وفي ضيقها أزريت=دعوات عبدك صوب عرشك ترجاك
كأني بتقصيري غفلت وتماديت=رحماك سامح عبدك اللي ترجاك
رحماك يارب السموات والبيت=طالبك عفوك وارجي اليوم حسناك
سبحانك اللي فوق عرشك تعليت= أنت العزيز وماحلا وقت نجواك
يالعبد وش عذرك ليا من تناسيت=وأهملت دينك واستبدت خطاياك
وضيعت عمرك بالمعاصي وقفيت=وفارقت أهلك وربعك ودار مرباك
وأصبحت في قبرك لحالك وناديت=وماحد يرد الصوت ماينفع نداك
وجاك الحساب وقلت ياليت ياليت=ياليت جنبت هذا وهذاك
ياليتني بالليل قمت وتوضيت=ياليت عمري سجدة(ن) عند مسعاك
ياليتني رحت المساجد وصليت=ولاشفت شي اسمه معسل وتنباك
ياليتني بين الملبين لبيت=والا مع الابرار في يوم لقياك
ياليتني من مالي تصدقت واعطيت=مادام مالي من وهايب عطاياك
ياليتني غضيت طرفي وصديت= عن مغريات ماتساوي بهاياك
ياليتني لأمي وابويه تفانيت=وارضيتهم واحسنت في غاية رضاك
ياليتني بخصال ديني تحليت=مااحلاك ياوقفت عرفات ماحلاك
ياليتني في سيد خلقه تقديت=ذاك الأمين اللي ختم دين بشراك

يالادمي لصرت حي وتعافيت=سبح وكبر في صباحك وممساك
واغنم حياتك قبل يوم التناهيت=اتبع طريق الخير لاتغرك خطاك
مااسعدك ياللي لانتهيت وتوفيت=تهدي كتابك وأنت راضي بيمناك
وما تعسك ياللي ضاق قبرك وونيت=صفر اليدين وجاك فعلك وبكاك

صالح بن فايز السناني


[/poet]

[أبو رامي]

أخي الشاعر / صالح السناني لله درك على هذه القصيدة الرائعة ، والكلمات المعبرة .. ولله در المشاركين الآخرين في هذه المسابقة الأخوين العزيزين الحازم ، وماجد مبارك .

ونظرا لانتهاء المدة المحددة فإنني أدعو إخواني الأساتذة / أبو سفيان وضمن والجهني بصفتهم شعراء ، والأستاذ الرسمي بصفته صاحب فكرة المسابقة ومقدم الجائزة ـ لاختيار القصيدة الفائزة .

إلا إذا رأوا تمديد فترة المسابقة .. فلهم ذلك ، والله الموفق .

[أبو سفيان]

تم تمديد فترة المسابقة إلى 18/ رمضان 00 والليلة أخر موعد
[poet font="Simplified Arabic,5,blue,normal,normal" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=""]
شكرا للشاعر الكبير / صالح السناني على مشاركته
معنا في هذه المسابقة لتفعيلها وتنشيطها وبث
الروح الشعرية الحية فيها ولإتاحة الفرصة فقد قررت
إدارة المنتدى تمديد الفترة إلى 18 / رمضان
كآخر موعد للمشاركة في المسابقة

ونذكر أن هذه الليلة ليلة الأحد بعد الساعة
الثالثة ليلا سيقفل باب المسابقة والنتيجة
تعلن يوم الثلاثاء للإحاطة خلك على الخط يا ضمن

[/poet]