الــمــال مـايـرفــع رجــــال بخـيـلـيـن
والـجـاه مايـنـفـع مـــن دون اخـــلاق
مكـسـبـك فالـدنـيـا الـطـيـب والـديــن
واصـحـاب لاغبـتـه وافــوك اشــواق
لاتصاحب اللي علـى النـاس طاغيـن
مــن عـاشـر الاقــوام لابـــد يـنـسـاق
ولا تتبـع اللـي عــن الـنـاس مقفـيـن
الـنـاس بالـنـاس والـنــاس اســـواق
ولا تسمـع الاقـوال مـن غيـر تثمـيـن
يمـكـن هـمـاج القـيـل تـلـقـاه نـطّــاق
واللـي قسـى بالحكـم داريــه باللـيـن
ماخاب من سهل على الناس مطراق
بعـض العـرب تلقـاه مرايـه وسكـيـن
خـلــك مـرايــة ود وللـخـيـر ســبّــاق
ربـعـك تـراهـم لــك مـثـل السلاطـيـن
مـن دونهـم مسكيـن لـو كنـت عنّـاق
ولا تقاطع القربى ولو جـوك غازيـن
يـوم الـفـرح والـحـزن تلـقـاك تــوّاق
مالـك غنـى عنهـم ولـو كـان ناحـيـن
قطع الوسل مذموم ولا تصيـر قطّـاع
ولا جـاتـك الـدنـيـا تـذكــر مسـاكـيـن
يفتـح لـك المعبـود مـن الخيـر افــاق
ولا شفتهـا دنـيـاك تقـسـى ولا تلـيـن
اصبـر تـراه الصبـر للنـفـس تـريـاق