خليكم شاهدين اللي حصل معي ،،، البروست ،،،

[بيتك الثاني]

بصراحه شي يخوف انا الاسبوع اللي فات رحت اشتري من الزعيم اللي على البحر وقلي 11ريال والجمري الساندوشت 6ريال يعني مو بس الدجاج كمان بكرة الببسي2يكون الله يستر

[أبوعلي]

كل شي فالمدينة ارخص
البروست بـ 9 ـريال
السمك ارخص من هنا
المندي بـ 25 ـريال
والمطابخ تطبخ الدبيحه بـ 90 ـريال وهنا بـ 100 ريال وبمية وعشرين وياليته طبخ على مستوى الا انك زي وجه صاحب المطعم تاكل لقمتين ومن كثر الزيوت الباقي يروح قدر الرجيع

[ريوقي]

الاتلاحظون يا أخواني دائماً أن ينبع سباقة في كل شيء فهي أول مدينة أعتقد في المملكة تقوم بكل شيء من رفع أسعار السلع وقبل في البنزين وغيرها .......الخ

[رجع الصدى]

في يوم من الايام حيكون ب20ريال

[الــصــقــر]

صرااحه مشكله
ارتفع سعر البروست ريال واحد



مشكله كبيرة جدا

[إتحادي ينبع]

صرااحه مشكله
ارتفع سعر البروست ريال واحد



مشكله كبيرة جدا

أخوي الصقر ليست المشكله في زيادة الريال
ولكن سوف يكون هناك تمادي في زيادة الأسعار في جميع المحلات سواء المطاعم وغير ذلك وبشكل مستمر
واليوم ريال وبكره 10 وبعده 100 وهكذا مالم يتم الحد منها من البدايه

[نجم السٌماك]

بسم الله الرحمن الرحيم

يا غالي هذا شي مو غريب ترى صاير لو فترة أشكل من إسبوع ، وهي على حد البروست وبس ، كل شي زاد عندك زبدة المراعي كانت ب2ريالين صارت 2.5 ، قشطة بلادي كانت ب3ريال صارت 3.5 ،حتى موية مزن كان الواحد ياخذها قبل وقت قصير ب10 ريال وب11 ريال لمى يكون الكرتون بارد أمس إشتريتها ب12ريال وحار .
جميع هذه الأشياء شفتها عند مخبز الصافي في شارع المطار ولما أقول للهندي ياشيخ مايسير يطلع الفواتير إلي عنده ويوريني هيا ، و تسأل عن وزارة التجارة يا راجل نايمه في العسل عندك محل مخالف وفي غرامة بلغهم عشرة ثواني وهما عندك موعشانك يا مسكين علشان تحصيل المخالفة من المحل ويمشوا حتى المحل ما يوقفوا نشاطه ساعة واحدة بس وجرب وشوف .
عمر أحد سمع إن المحل الفلاني قفلته وزارة التجارة علشان ضبطوا عنده بضائع فاسدة أو قطع غيار مقلدة أو تلاعب في سعر السلع والله ما صار ولا راح يصير بس طول بالك وفتح عينك علا إلي تشتريه ، تخيل لو صار واحد من هذه الأشياء إلي المفروض تسير هل بقي تلاعب في السعر وفي تواريخ البضائع وفي جودتها ، على فكرة يا جماعة تكفون زوروا بقالة محطة القافلة في حي العامودي ، دخلت البقالة وأنا رايح الشرم و إشتريت بعض الأغراض لقيت زيادة في السعر لحد ريال الفرق ولما قلت للأخ اليمني ياخي في البلد من عند البيت أخذها بأقل بريال قال ( أقولك هنا بقالة كل شي لازم يكون غالي هناك البلد رخيص وقريب من كل شيْ أمانه ) يعني محطة القافلة تبعد عن البلد أشكل من محطة التحلية عن البلد وأترك لكم التعليق !!!!؟ ودمتم بخير :eek:

[النمر2007]

شكرا اخواني على مروركم هنا وأتمنى من الجهة المسؤولة التدخل في الموضوع وجزاكم الله خير ولا تنسوا إن ربكم


رزاق يرزق كيفما يشاء

[ولد ينبع الحنووون]

قاطعوا محلات البروست صحيح كلام امجد

[ولد ينبع الحنووون]

قاطعوا محلات البروست صحيح كلام امجد

[حامد الأحمدي]

انا قبل امس اشتريت من دار الوجبة والحمدلله البروست بعشرة زي ماهو.
بس التجارة آآآآآآآآآآآآآآآآآآآآآآآآآآآآه ياوزارة التجارة ، بس فالحين يتنقلوا من مبنى لمبنى ولا عندك احد.