أبكم -- أصم -- عميان

[ناصر الصواب]

[ALIGN=CENTER]أخي الغالي الكاظم :

أنثر لك كل ورود الشكر والتقدير ، على تجاوبك الكريم معي في

هذا المشتكى ، وشاعر مثلك لا نستغرب منه هذا التجاوب ،

وصدقت وأنا أخوك ، وش حيلة المبتلي غير الصبر ،

،وأعلم جيداً القاف صعب نوعاً ما ولكن على الكبار

أمثالكم لا يصعب ، لك كل الود والتقدير ،،،،،،[/ALIGN]



[poet font="Simplified Arabic,5,black,normal,normal" bkcolor="burlywood" bkimage="" border="double,4,crimson" type=0 line=200% align=center use=ex length=0 char="" num="0,black" filter=""]
ناصر الصواب
لا جيت ديرتي وأبى تسلّى=وأزاور الأهل والخـلان
يرجع على القلب ما ولّى=وأعيش أبكم أصم عميان

الكاظم
مهما عليك الزمن تلّـى=لا بد ترجع على ما كان
ومن كان فالذاكره ظلّـى=يصعب على قلبك النسيان

ناصر الصواب
ما دام لي قالها كلّى=لا تعود ولا تطرق البيبان
يا هل ترى فالأمر حلّى=ومن غرقه ينجى الذي غرقان ؟

الكاظم
لعل يمكن عسى علّـى=لاربمـا بينكم شيطان
خلاه يبدي لك الزلّى=من غير يوزن لها الميزان
خليك دايم معه فأعلى=ترقى المعالي وكسب الشان
واشوف منك العفو أولى=وبالطيّبَه تكسب الأنسان

ناصر الصواب
بالطيّبَـة خافقـي طلّى=وأبدى له الخير والإحسان
لكنه اللي جرى غلّى=من حين شفت العذول يبان
ويا كاظم الحرف مشتلّى=جوارحي وهلّت الأعيان
ويا خوفي أعيش متبلّى=والحال كل يوم في نقصان

الكاظم
لازلت أملي معك وأملى=واطرح عليك الحلول ألوان
ولمّا تجلّى الذي جلّى=واللي اتضحلي من الألحان
ماأظن باقي لهـم مُهلى=وأنت مخيّر فالأمر يافلان
إما الصبر ياصاحبي (ولاّ)=تشطب سجله من الأحزان

ويا أصحابنا سامحونا
[/poet]

[ALIGN=CENTER]أتمنى أن يكون هذا اللحن قد أعجب وأطرب الشعراء

والمتذوقون لهذا الموروث الشعبي الجميل ،،،،



ذهب
من
هنا
وهو ينثر ورود الشكر للعضو الكاظم

على تجاوبه الكريم معه في هذا اللحن[/ALIGN]