[poet font="Simplified Arabic,4,black,bold,normal" bkcolor="skyblue" bkimage="" border="double,6,black" type=0 line=200% align=center use=ex length=0 char="" num="0,black" filter=""]
استاذي /الونيس
هذه الابيات رداً من والدي حفظه الله ورعاه
معوض سلامه السناني ابو أنور على القصيده
(المدح يزهى سيد المجد شارون)
الله ربي يحرس البيت ويصون=يحفظ علينا الدين مجد الاصاله
ان راد شي ايكون بالكاف والنون=والعز والتمكين لهله وآله
والمدح ماهو بالخنازير مزيون=شارون مايسوى القذر في نعاله
لابد له من يوم تاجه إ يدوسون=الله كفيل بذلته وانعزاله
يدعيه عبره بين الاقطار مهيون =من غربها للشرق ماحدً رثاله
شعبه ذليل وبالطواعين يفنون=على انصاره تستدير المحاله
شارون لو صفقوله الغرب ملعون= في محكم التنزيل لعنه تناله
مهما تجبر مابلغ كفر فرعون= استدرجه لين المحيط انزواله
والعبد قالوا في ذرى سيده يكون= والذيب يفرح بالفريسه لحاله
لو لمها قارون بالخسف مرهون= خلاه عبره لابلينا ابفاله
ثوب القناعه ماتبيعه ابمليون= سعادة الدنيا اوعز ابمآله
كم من فقير عف بالصبر ممنون= وكم من غني بغناه مشغول باله
عز الوطن بالدين ياللي تمنون= ماهو برقصة فن يالالالاله
ماينخدع بالغرب ياكود مفتون= ولا ضعيف العزم باوسع مجاله
اللي لتفسيخ العفيفات يسعون= تحريرهن لجل العمل والعماله
لو شفتهوا من بيت الاحزان يبدون= البيت الابيض عند ربي زواله
اللي الشذاذ اليهود ايتولون= ياويلهم لاشاف كلاً سواله
يوم اهل الطاعه بالايمان يعطون= ويعطى المنافق حجته في شماله
لابد من يوم بالاقصى ايصلون= في قدرة الرحمن جل جلاله
بايدي هل التوحيد كالعقد مصيون= والنصر حان اوفي سمانا هلاله
صلوا عدد من حج بيته يلبون= على النبي اللي صدق بالرساله

تحياتي للجميع
[/poet]