[ALIGN=CENTER]
يبدو في الصوره زميلنا وعزيزنا العضو الشاعر ناصر الصواب[/ALIGN]
[ALIGN=CENTER]كسرات قيلت في كسر اللحن[/ALIGN]
[poet font="Simplified Arabic,4,blue,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
صالح المشعلي
ما همنا الوقت ما اشقانا= دام الأحبة معانا حضور
ليلة بخت يوم لقيانا= وبوجودكم خاطري مسرور
غالب الأحمدي
استبشر القلب بالمرسول= اللي نشر للفرح با علام
جينا حسب ظنك المأمول= نكسب مع اهل الموافا زام
عبد الله باخت
ما احسب زمان العنا باقي= اللي اختفت صفحة ايامه
أتـريه ساكن في أعماقي= تنمو مع الوقت آلامــه
حامد القريشي
وش يجبر الخاطر المحروم= والروح منهو يواسيها
من يوم قفوا لهذا اليوم= ما شفت ساعة صفا فيها
مسعد الشطيري
صوته يصل داخل اعماقي= يميزه عن جميع الناس
لو يوزنه حبي الناقي= ما يعدله فالمحيط اجناس
طلال سويعد
لو كان دمعك ذرف لحظه= من حرقة الظلم والتنكيـل
كان تحسب حساب للرحمه= وتدرى على قلب شاف الويل
جبارة العروي
لو شفتني للغرام اشتاق= لكن فكـري مهو يمـّـه
من شي في داخل الأعمـاق= جاثـم على القلب ويغـمـّه
محمد الدبيش
لعلها أبرك الحزات=لبومديدةوإخوانه
اللي لهم عندنا فالذات=تقدير مايختلف شانه
ماجد أبومديدة
مقصودنا جمعة الأحباب=أهل الملازيم وأهل الطيب
وراعي الوفا نعذره لو غاب=لجل الوفا بيننا مايغيب
[/poet]
[ALIGN=CENTER][/ALIGN]
[ALIGN=CENTER]مالك الروح من جدة
عبد العزيز بنيه ، ماجد أبو مديدة ، محمد الدبيش [/ALIGN][poet font="Simplified Arabic,4,indigo,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
جــدة
أسألك باسم الوفا والحب = اللي جمعنا في هذا اليوم
ايش فالأسى ربح أو مكسب= حتى يسومه علينا سوم
ينبع البحر
جواب مخلص لكم من قلب = ودادكم في فؤادي دوم
ما يوم كان الأسى مطلب = بين الأحبة عتـاب ولوم
جــدة
أسقيتهم فالمودة عـذب= عكس الوفا جرعوني سموم
وما اخبر حصل بيننا من ذنب= برضي على الطيبة ملزوم
ينبع البحر
يمكن بلا قصد أخلف درب= ما حي منه الخطا معصوم
منهو على الطيب ما يغلب= راعيه بين الملا محشوم
جدة
ذللت له فالطريق الصعب = واحرمت عيني لذيذ النوم
على أمل يمنا يقرب= وذاك الأسى نجعله معدوم
ينبع البحر
لا زال نهج الوفا أصوب= والذي ذكر غاية المرسوم
اللي أشوفه لكم أنسب= إنّ المسامح عزيز القوم
[/poet]