[poet font="Simplified Arabic,5,white,bold,normal" bkcolor="royalblue" bkimage="" border="inset,10,white" type=0 line=200% align=center use=ex length=0 char="" num="0,black" filter=""]
أعظم جروحي من المحبوب=وأكثر أسايه من الأصحاب
بالحب أنا دايم المغلوب=مااقدرأسكر عليه الباب
ما تبت أنا فالهوى ما توب=زود عنايه ورأسي شاب
وأصحابنا قدرهم محسوب=لو ينقصوني نعيش أغراب
نشري ونبتاع فالماجوب=ومن باعنا يروح دون عتاب
أغض عيني عن المعيوب=وإن ما فهم ما حسبنا حساب
ما يحشم الصاحب إلا قلوب=نبراس محشومة الأشناب
فتشت أنا قلبي المحجوب=وجدته أصغر من المحساب
تحميله أكثر من المطلوب=أكبر ملفاته الأحباب
وأوسط ملفاته اللي ينوب=الوقت يمضي بدون حساب
وأصغر ملفاته المشطوب=بايد قديم وعليه تراب
ما سرني عاشق المرغوب=للنفس إلا بعد ما ثاب
القلب لو يسمع الحاسوب=نظم كيانه وجوفه طاب
بتسبيح واحد عليم غيوب=الهمه يجري وراء الأسباب
لابد يصبر على المكتوب=العقل نوره بعلم كتاب
لو كان قاصر عظيم أسلوب=عقل الفتى يضبط الأعصاب
القلب مثل الهرم مقلوب=والعقل خيمة عليها أطناب
[/poet]