ساقطة

[ابو الهنوف]

[ALIGN=CENTER]اخذت الاختان تنتقلان من محل الى اخر في ذلك السوق الكبير
وفي احد المحلات وبينما احداهما تقلب احد الاغراض بيديها واذا باحد الشباب يقترب منها ويتمتم بكلمات كانت غير مفهومة بالنسبة لها نظرا لحالة الجفول التي انتابتها
وخاصة بعد ان رمى عليها ورقة صغيرة مطوية بعناية, لم تلمس الورقة وانما اتجهت الى اختها تجذب يدها بسرعة وتطالبها بالخروج من هذا المكان بل من السوق باكمله
ااستغلت الاخت الكبرى الموقف وكانه نزل عليها من السماء وبدات بمناقشة اختها بكل هدووووووء

ماجدة:
تدرين ياندى ليش هالشاب اقترب منك بالذات وكلمك انتي بينما تجاهلني وانا معك بنفس المحل؟
ندى:
يمكن صدفة لاني كنت الاقرب للباب..او..صراحة مادري.

ماجدة:
لو لاحظتي الفرق بين شكلي وشكلك كنتي عرفتي من دون تفكير..شوفيني انا مظهري عادي وخالي من أي تبرج..عبايتي على راسي..ولابسة جزمة واطية وشراب..ومن مظهري لايمكن احد يطمع في كلمة واحدة مني..لكن انتي

ندى:
اانا وش فيني؟؟..قولي لاحظتي علي شي مو زين؟؟عاد انتي اختي واكثر واحدة تعرفين محافظتي على ديني.

ماجدة:
صح ياعيوني..انا اعرف محافظتك على الصلاة والصوم والصدقة ..وما اقول عن ذا شي ..انا اتكلم عن المظهر الخارجي..ناظري نفسك..عبايتك على كتفك ..والطرحة الحرير نازلة بشكل مغري..والصندل بلون الشنطة لونه يلالي من بعيد..بالله عليك ذا شكل واحدة رايحة تتقضى من السوق؟؟؟

ندى:
وش فيها ياخيتى ان الواحدة تكون انيقة في كل مكان تروح له؟؟اجل ليش قاعدين نجمع في هالملابس والجزم(وانتي بكرامة).. والناس االحين تغيروا ولا عاد يملا عينهم الا الانسان الشياكة..

ماجدة:
ياناس هو كلام بالعقل…البنت تتشيك عند صديقاتها.. وفي العروس والمناسبات

(مع تحفظي على بعض العري اللي لاحظناه بالسنين الاخيرة)

ومانقول في ذا شي..بالعكس نشجعها على الاناقة والتميز بحدود معقولة.
والمتزوجة تلبس عند زوجها بلا أي حدود او قيود
وفي المدارس والجامعات الاناقة مطلوبة في حدود المعقول
لااااااااااااااااااااااااكن:
ااذا طلعت من بيتها ليش ماتستر كل هالزين عن عيون الرجال…هذا اللي قاهرني في نسوان هاليومين سواء بنات او متزوجات..انهن يبالغن في الزينة الخارجية اذا طلعوا من بيوتهم الا من رحم ربي..تدرين ياندى في بعض الدول يسمون العباية(ملاية) يعني غطاء يستر اللي تحته وهذا وصف دقيق للغرض من لبس العباة..ومادام انها للستر فيجب اننا نتحاشى انها تلفت النظر او تلبس بطريقة مغرية وكانها فستان

( بعض انواع العبي ماتفرق عن الفساتين ويمكن اكثر جمال)
ندى:
معنى كذا ان كل واحدة تلبس عباية كتف وطرحة حرير مطرزة تعتبر عندها استعداد للتنازل عن حياءها ..اجل وين شخصية المراة االمسلمة..وين اعتزازها بنفسها؟؟

ماجدة:
ياعيوني ياخيتي..المظهر هو دليل الجوهر.. معناها ان المسلمة لازم تتميز بالجدية امام الرجال الاجانب وذلك يشمل االقول والفعل..المراة المحتشمة.. تقدر تقضي جميع لوازمها في الحياة بدون الخوف من مضايقات الرجال, لذلك فالحرص على سلامة المظهر من اهم اسباب السلامة..وانا ياخيتي تراني من زمان نصحتك وقلتي انا انسانة واثقة من نفسي..وكلمت امي عن لبستك هالعباة الفتنة وللاسف قالت لي انتم كبار وتعرفون مصلحتكم ولا اقدر افرض على اختك شي بالغصب…وش معنى هي من بد صاحباتها ماتلبس عباية مخصرة؟‍‍‍ وهذا انتي اكتشفتي صدق نصيحتي..ولكن تاكدي ياندى انك باحتشامك تحمين نفسك باقوى سلاح

ندى:
والله اني مادريت ان لبسي له دور في جلب المشاكل لي.. لكني اعلنها لك من الان.. توبة من هالعباة.. ورجعة لعباتي القديمة الله لا يخليني منها.. هي عنواني من هالحين لين القى رب العالمين.. وانتي يا اغلى
اخت ماالحق جزاك لكن الله يجازيك بالخير من عنده..

****************************************
اختكم استغلت الموقف بدورها
وحاولت تصور اللي دار بنفس الشاب الله يهديه
وبين اختنا ندى الله يكثر من امثالها

( عقب عدلت لبسها طبعا)

واليكم اللي قدرني ربي عليه على شكل ابيات شعرية اتمنى تعجبكم
الشاب
يابنت ياللي لابسة الكتافي *** سبحان مصّور حسنك الفتان
دوك الرقم محتاج صوت دافي *** لاتحرميني من صوتك الرنان
انا تراني اعجبك وسنافي *** يا احلى وردة ضمها بستان
حكي الهواتف تراه ماينعافي *** ماحد درى والدار عندي امان
ضمير الفتاة:
شبابنا وش علمهم ياكافي *** وش قصدهم بمطارد النسوان
الموت اهون من خسارة عفافي *** ابعد تراك اخطيت بالعنوان
من لا حفظ عرضه وهو متعافي *** للقبر ضمة ماتفوت انسان
حلفت ماافرّط بلبس الضافي *** عباية امي لحشمتي عنوان

اتمنى اني ما قسيت على اخواتي البنات ولكن هذا من كثر حبي لهم..ولتعلم كل فتاة ان الرجل في قرارة نفسه يحترم المراة المحتشمة

( والدليل ناظروا شروط الشباب بمواصفات زوجة المستقبل..اغلبهم يبونها محتشمة)

اخواتي..يابنات الاسلام…كلام من قلبي طلع ووصلته لكم بالملي ما ابغى به غير رضا رب العالمين.. واشهدكم اني ابرأ الى الله من بعض المناظر اللي نشوفها بالاسواق هاليومين..الله يهدي بنات المسلمين ويستر عليهن بستره الضاااااااااافي.. قولوا امييييييييييييييييييييين.
معذرة على الاطالة.. ولكن بما انه موضوعي فأكيد راح اخذ راحتي
تحياتي لكل والله يجمعنا معا على محبته وطاعته…
والى لقاء في موضوع اخر
بدوية
اقتباس من ايميل[/ALIGN]