اقيم هذا الرديح بمناسبة زفاف الشاب:
مالك صالح حمدان الكشي بينبع البحر يوم الخميس 28 /2 /1437 هـ
الشعراء من :
جده : عبدالعزيز بنيه . خالد السريحي . بندر جباره

ينبع النخل : عطية الله الفدعاني . خالد ابو شعيب

صف ينبع البحر : محمد الهريويل ورفاقه .
لحن ليحان
جدة
ريس من اهل الصفا نغليه= غالي بقدره وميزانه
باسم الوفا كلنا نوفيه = سلام والعز عنوانه

ينبع البحر
منه حضر ربنا يحييه= ليل الصفا زان ميدانه
ترحيب جمع الاحبة فيه= عن راعي النوب واخوانه

جده
ليل الصفا بالصفا نحييه= نبنيه ونعلي أركانه
مرادنا فيه نستوفيه = حتى يدون بديوانه

ينبع البحر
هذا الأمل والذي نرجيه= ووفود حضروا على شانه
رسم المثل لا بدا نعنيه = ما يوم تهتز سيسانه

جده
عرش العزيزين ما نخليه = أسس على شان سلطانه
صار يتوجد على ماضيه = اللي تعمّق بوجدانه
ينبع البحر
هذا الذي كنت متوريه= كل شيء باين فبرهانه
العز كل البشر تغليه= وكلٍ بجهده وامكانه

جده
مدامنا كلنا نرعيه = نبغى نعلي فبنيانه
عن كل ما يعذربُه نحميه= ونصون عهد الذي صانه

ينبع البحر
حنا معك بالذي تعنيه = تبذله الجهد حيانه
المشتري بالغلى نشريه= ما نقبل البخس باثمانه
وانكسر هذا اللحن



لحن سلام
ينبع البحر
سنين فالحال ومثابر= والجهد مبذول للتعديل
مايوم واحد صفا خاطر= كل ماعدلت الامور تميل

جدة & ينبع النخل
مادام منتا عنه قاصر= بالبحث والجهد والتحليل
دون الامل مالك محاصر= لا ينطفي له معك قنديل

ينبع البحر
لولا الامل ما بقى صابر= عايش مع السهد والتنكيل
متابع الحال ومناظر= عكس الذي في سماه يخيل

جده & ينبع النخل
من كان عنده بخت وافر= يمطر سحابه معه ويسيل
ويصبح بما يرغبه ظافر= وينول من جانبه تحصيل

ينبع البحر
عيد النظر واسمع الصادر= واضح لك النص بالتفصيل
لاتكبني حاير مخاطر = الوضع ما يقبل التآويل

جده & ينبع النخل
انا معك في بحر قاطر= كل مااقترِب ميل تبعد ميل
ابذل لك الرأي واشاطر= واشوف في حايتك تشكيل

ينبع البحر
جاعلك للرأي ومناصر= لاتكون فوق الهموم تكيل
الدمع ما كف من ناظر= والقلب يحمل عذاب مهيل

جده & ينبع النخل
ما ارضى لك الموقف الخاسر= واوجد لك العذر والتعليل
لو بان منّك سبب ظاهر= ماصار فالمسأله تعطيل
وانا برصد المثل ماهر= ما ابني على الظن والتمثيل
لكنك مصر ومكابر= وقفلت باب الأمل تقفيل
وانكسر هذا اللحن

لحن زمانين
جده & ينبع النخل
قلبي وقع بين نارينه= حتى انحصر في لهيب النار
حطوه فيها مودينه= وعن موقعه مالقى معذار

ينبع البحر
مقدر اقرر ولا ادينه= ما اصدر حكم غير باستفسار
كيف المودين راضينه= وخلوه في قمة الأخطار

جده & ينبع النخل
الله يسامح محبينه= خلوه في موقعه يحتار
من ينقذ القلب ويعينه= لا يحترق فالجحيم الحار

ينبع البحر
الي ورد تم تدوينه= فالحاصل اللي عليكم سار
كل معدن يبان تثمينه= والمشتري يشتري مختار

جده & ينبع النخل
الصمت تحكم قوانينه= وتفرض على المبتلين حصار
لاتضيع منكم عناوينه= تفقـّدوا قلبي الصبار

ينبع البحر
ردي حسب قيل سادينه= مبني على بيّـنه وأنوار
بين المودين يازينه= بالصمت ماتظهر الأسرار

وانكسر اللحن

لحن مالك الروح
ينبع البحر
من بعد ليل السهارى راح= نسنس نسيم الهوى غربي
شاجى فؤاد الذي مرتاح= اللي مابين العضى مغبي

جده & ينبع النخل
الغربي اللي نسيمه فاح= اثر عليكم واثربي
انا معي عقب الافراح= وانت معك ناتجه سلبي
كل ماارتقينا بحرفه طاح= في كل وجهه تعثربي
من جانبك ماجنيت أرباح= مشاربه غير عن شربي

ويا اصحابنا سامحووونا




لقطات متنوعة من الرديح