سهم الاسى رافقته سهوم...مع الشاعر القدير فريج ابومديده

[ابومبارك اليوبي]

[poem=font=",7,,bold,normal" bkcolor="white" bkimage="" border="double,4," type=0 line=0 align=center use=ex num="0,black""]
(فريج ابومديده)=
سلام وافي معاه علوم=مبني على الود و كل الود
لأبومبارك عزيز القوم=سعيد حظي معه و أسعد

(أبومبارك اليوبي)=
بعداد مافي سماك نجوم=واعداد مالد طرف مود
ترحيب يالشاعر الزيزوم=ياللي بالامثال مالك قد

(فريج ابومديده)=
لله درك على المزهوم=اللي حروفه زلال و شهد
يا ليتنا في بحره نعوم=و نتجاذبه بين جزر و مد

(أبومبارك اليوبي)=
مادام حرف المثل محكوم= فيدين منهو عريب الجد
ابشر وانا عليه احوم=واسد مادامك انتا ند

(فريج ابومديده)=
حرف المثل ما عليه غيوم=واضح و كل العرب تشهد
و إنتا و أنا حظنا مقسوم=وكلن حسب ما اجتهد يحصد

(أبومبارك اليوبي )=
حرف المثل ماعليه نلوم=نحماه نبنيه يد بيد
ولاشك وقت اللزوم نقوم=والقرم نبذل معاه الجهد

(فريج ابومديده)=
فيك العشم ما اختلف في يوم=وافي موافي شديد الزند
هيا استلم ظرفي المختوم=اللي كتبته عذاب و سهد

(أبومبارك اليوبي )=
انا معك والقروم قروم=إلين توصل الى المقصد
هولني الظرف فيه هموم=عنوانه الهد فؤادي لهد

(فريج ابومديده)=
سهم الأسى رافقته سهوم=صوبي وأنا اللي فقدت العضد
كيف البصيرة و أنا محروم=و الليل ينعي صباح الغد

(أبومبارك اليوبي)=
من كب مرماه جاته كوم=سهمٍ ورا سهم تستقصد
احماه خلك قوي عزوم=من قبل لا الامر يتعقد

(فريج ابومديده)=
لو أنها بانفراد تروم=كان الأمر سهل و محدد
تحالفوا و أصدروا مرسوم=يقضوا على قلبي المجهد

(ابومبارك اليوبي)=
خلك مع الواحد القيوم=اللي عطى لك لسان وهند
ماشي يبقى دوام الدوم=الا وفي ظنتي له حد

وياصحابنا سامحونا=[/poem]

[المعلم]

سلمتما
لحن جميل

[أبو سفيان]

حوار ممتع وجميل بين الشاعرين اليوبي وأبو مديدة

شكرا على التواجد الرائع الذي يجذب القارئ بهذه السلاسة والابداع

[ابومبارك اليوبي]

سلمتما
لحن جميل

يسلم راسك يالغالي وانت الاجمل بمرورك البهي الذي عطر المتصفح
لاعدمتك
كل الود