[frame="6 50"]الشاعرة / النجلاء
(ضلع الاوجاع )


من باب صح القول خطي يالاقلام
طيحي على سطر المواجع وقومي



الى متى وانتي تخطين الاحلام
وفي دفتر الواقع تضيع الحلومي



من يسهر همومه من الهم مانام
يسهر وخلق الله وزانه تنومي


وانا ركزت لضلع الاوجاع الاعلام
قدام لاتسري بحلمي نجومي



لو نها تمشي على الكيف الاقدام
مشيت له هيبه وعز وعزومي


لكن بابور الاماني بالاوهام
يقول لي لي يابنت الايام قومي



رحلة الم رحلة بقى فحة انسام
أيامنا بافراحنا ما تدومي



ايه انت ياللي حطم بوده ارقام
سلبتني مني وضاعت علومي


لوكان طاح الود ودك ولا قام
كف التضرع عنك عيت تشومي



هنا هنا وسوم جرحك من العام
جرحن يضيق به الصدر والهدومي



ذبح البنادم مايشرعه الاسلام
وشلون تذبحني كذا قبل يومي







احساس طفلة
الشاعرة / النجلاء


ياعيون الليل منهو اختلس احساس طفلة
شابت هموم الليالي فالدروب وعانقتها


من سرابه من يديها وفالمحاني من هتف له
لين احاسيس البريه بعد مده خالفتها


شرع ابوب المحبة بين شوق وبين غفله
واستقر وسط الضلوع وصار يجري فاوردتها


كل نبض من حنينه في دجى ليله وقف له
اثر أحاسيس المحبة كل ابوها خاينتها


لين سوى الحزن في صدر الوجع للعمر حفله
كل ليل وكل دمعه محييتها محييتها


يوووه صدمه واي صدمه ؟ حالها أصبح ينوسف له
كل طعنه من يديها صايبتها صايبتها


بس كيف ان المصاب من الهوى ماتعترف له
ونفسها عن نفسها من دون تدري روادتها


هم كذا اللي يعشقون اطفال باحساسك ياطفله
او احاسيسك بصدق الود عنهم ميزتها



واليكم الصور[/frame]