[frame="7 50"]الشاعرة / النجلاء

(ياشام )

القدس صاحت : سوريا دمك همال
وينه صلاح الدين يطلق عنانك


صرتي قضيه والسبب خوف واذلال
مثلي ولكن فارقه في دخانك

أنا ضحيه غدر صهيون واهمال
وانتي ضحية من ترأس عشانك


تبت يدين الطاغية دمر آمال
انفوس تنعم في دفاك وحنانك


على الثكالى صار له صوت رجال
والذل صابه عند نصره جولانك

قتال شعبه بالف ميته ومحتال
خان الامانه خان خان عهده وخانك


حوران تصرخ وين وافين الافعال
وين العروبة ضاع معها امانك

ودرعا حزينه عاشت الموت باشكال
ضمة شهيدك واورته في جنانك

حتى حماه اللي بها المجد يختال
باتت رماد وتحتضر في وازنك

هدم ومجازر غير الحال باحوال
والدم يكسي زهرتك واقحوانك

لكن فجرك منبثق فيك لو طال
ليل الظلام وتصدحين باذانك

يالشام مجدك مجد وابطالك ابطال
والطايفية ماتزعزع كيانك


فيك البطوله سالفه جيل لاجيال
تاريخ خلد سيرتك في زمانك

احرار شعبك بين راجل وجمال
يفدون ارضك دمهم زعفرانك

ياأرض الكرم لو وثقو فيك الأغلال
تبقين حره في مكانك مكانك

يلوح نصرك من مسافات واميال
ماهان غيره من نوى في هوانك[/frame]