[frame="9 50"]الشاعرة / النجلاء
(يامحمد )


لايق زعلك وواجب اني اراضيك
كلي رهينة بسمتك يامنياتي

يعني على دمعة عيونك مايمديك
مدامني في دنيتك ياحياتي

ببذلك اللي ماتصور واراعيك
واضوي ليالي عمرنا المقبلاني

عيني تراعي لك وروحي تسليك
وفكري يحل عقودك المبهماتي


كل الجوارح من خفوقي تلبيك
ولاتهون عيوني المكرماتي

كلي فدا كلك وروحي تغنيك
يااغلى الطيور الحايمه في سماتي

باسم الله الرحمن وبربي ارقيك
وادعي بعد ورد التعاويذ الاتي

عساك ماتفقد غلا قلب يغليك
وفيك الليالي كلها مضوياتي

وعسى عيون ماتودك وتبكيك
يحرم هدبها من لذيذ المباتي

لكن على نفسي وبري لاوصيك
تراك يامحمد شعوري وذاتي[/frame]