[frame="4 50"]الشاعرة / بدر البدور

ينبع البحر

جيت ابسأل عنك موج " له حكايات " قديمة
عن حقيقة بنت تسكن بالبحر والا جواره

جتني الأمواج ترقص تبتسم لي مستهيمه
رددت لي إسم (ينبع ) كل موجه في حراره

تكتبك ثورة صخبها مع نوارسها الحميمه
(ينبع البحر ) بهدوء الموج والابانحساره

مالت نخيلك شموخ وغطت اجواءك بغيمه
السحاب اللي ترزم وامطرك باحلى ثماره

عانقتك بحب يروي للزمن قصة عظيمة
( ينبع النخل ) بشموخه رفعته رمز لحضاره

في زمان الخوف كنتي لاهلك الام الرحيمه
حضنك الدافي حماهم عن عذاباته وناره

وبعهود الخير صرتي شعله العلم ونديمه
للتطور بالصناعه والتقدم بالعماره

شعلة تطرد ظلام الجهل والحرب اللئيمه
من عقول ماتحب المملكة تصبح مناره

يكفي انك دوم كنتي للبحر بنت كريمة
لو سالت امواج بحرك ردد الموج بحراره

ذيك بنت البحر ينبع والحكايات القديمة
قالت انك قبل كنتي لؤلؤة داخل محاره[/frame]