رديح / محمد سعيد الذبياني ( الأربعة الألحن + مقاطع فيديو )

[مراسل المجالس]

لحن زمانين

املج =

هاف الزمن من عمر شاقي= باقي حياته على ميهاف

من صفو الأيام وش باقي= يعوضه عن سنين عجاف

ينبع =

ردا على الطالع الناقي = لجلي مكلف على الميقاف

عاداته الود يارفاقي = بين العنا والأسى انصاف

أملج =

قسواته الوقت وفراقي = وكتائب الهم والإجحاف

تزاحمت داخل أعماقي = أكثر من اللي ظهر ويشاف

ينبع =

ماتلام في كل ماتلاقي = للمرء ياما يسير خلاف

بسعى معك والمثل تاقي = وأشرف عليه المعاني اشراف

أملج=

كشفت لك كامل أوراقي=رسم المثل ماعليه غلاف

مابين شوقي وحراقي=زادت عليه الحمول أضعاف

ينبع =

ملحق على طالع سياقي = مجموعها والمثل هداف

ان كان عندك لها واقي = اللي على المريسة مايخاف

وإنكسر اللحن

[مراسل المجالس]

لحن مالك الروح



ينبع البحر
وهاج قلبي كوى الاضلاع
واثر على العين وابكاها
والفكر مما حصل ملتاع
من حالي اللي صعب داها

جدة
قلبك بعث للعيون شعاع
واسترسل دموع شفناها
واصبحت في معمعة ونزاع
حالتك حالة مانرضاها

ينبع البحر
عيد النظر وافهم الأوضاع
اللي عليكم عرضناها
لاتطشنا في عند وصراع
وتكبنا في معاناها

جدة
علما بعد بحث واستطلاع
فالشكوه اللي درسناها
لاينطوي بالامال شراع
ان كنت تحرص على دواها

ينبع البحر
اشوف شرح المعاني ضاع
ياليتنا ماشرحناها
القيل مايناخذ بخداع
لاتضيع الناس مرماها

جدة
المبتلي لازمــًـــــــــا ينــصاع
لامـــــر الاطـــبه في مشفاها
واشوف روحك مرضها شاع
وانت بعندك تحداهـــــــــــا
القيل يحمي حماه سبـــــــاع
افهــــــــــــم معانيه والباهــا
ذا راينا فيه بالإجمــــــــــــاع
وحكم القضية من قضاهـــــــا

ينبع البحر
عطوف قلـبي لكم جزًاع
وحنا المعارك كســـبناها
القيل يبغى طويل الباع
والنار لجل ايش توطاها

جدة
قلبك بعد ماحدر للقــــاع
واثر على الروح وعضاها
تبغى ترسيه فالمـــــرباع
اللي حروبه نهينـــــــــاها
لاني ممانع ولا منــًـــــاع
لان نــــــــــارك خمدناها
والان مع منتهى الابداع
باقــــفل قضيتك وانساها

وانكسر اللحن