قصـيدتي زاد بعيوني جمـــالها

واخـذت أنقي بالمعاني جزالها
*********
وأكتب معانيها من الشوق والغلا
لأمي وأنا أصغر شاعر من عيالها
*********
أمي وانا بوصفها زاد حبــها
وإن ما حكيت قصيدتي تحكيلها
*********
أمي لها بالقلب والجوف منزله
مكانه وماهو من كل محبوب نالها
*********
اقرب من ظلالي وأنا وسط غربتي
وأنا ترى أقرب لها من ظلالها
*********
ما شفت في عيوني من الناس غيرها
ولا خلق رب الخلايق مثلها
*********
أغلا بشر في جملة الناس كلهم
وأكرم من أيدين المزيون وهمالها
*********
أتبع رضاها وأرتجي زاد قربها
واللي طلبته من حياتي وصالها
*********
الصدق مرساها والأشواق بحرها
والعطف وإحساس الغلا رأس مالها
*********
أهيم فيها وأبتسم يوم قلبها يسئال
وانا قلبي يجاوب سوؤالها
*********
وأصبر على الدنيا والأحزان والتعب
وأحمل على متني فطاحل جبالها
*********
وأسهر وعذب راحة القلب بالشقا
وعيش أعاني بس يرتاح بالها
*********
أقولها وأنا على الله متوكل
والله العليم بقدرة إحتمالها
*********
يافرحه تملي لي الكون بأكمله
يا شجره تكبر ويكبر ظلالها
*********
تضحك لي الدنيا إذا شفت زوالها
مثل السما تزها بطلة هلالها
*********
والبعد عنها يأهل العرف ماأقدره
لا شك ناري زايده بإشتعالها
*********
ما أعيش ببلاد ولا هي بأرضها
ولا في عيوني كان ماهي قبلها
*********
أرض تدوس أمي بألأقدام رملها
أموت فيها وأندفن في ترابها
*******************************************