المشاركة الأصلية كتبت بواسطة الأديب
الشاعرالكبيرعايد القريشي رحمه الله 81سنة
ولد في ينبع عام 1348هـ وهو من كبارالشعراء المعترف بهم ومن المعدودين في مجال الكسرات وله قصائد أيضا قصيدة رثاء في أعز أصدقائه عبيدالله السيد رحمه الله قصيدة نصح وإرشاد لإبنه حامد وقصيدة في صدام حينما غزا الكويت ألقاها بصوته في الإذاعة السعودية,
نال إعجاب الجميع وله شعبية كبيرة لحسن أسلوبه وجمال تصويره وسهولة معانيه وجزالة ألفاظه . حضر الكثير من المناسبات وله دور كبير في المراسلات
سماه الشيخ أحمد بصيل رحمه الله ( شاعر الشباب ) ومن ألقابه (قيصر الكسرة) ( أديب الكسرة ) ولايكاد أحد يحب شعر الكسرة إلا ويحفظ له من أجمل كسراته الشئ الكثير والتي سوف نستعرض بعضا منها توفي رحمه الله يوم الثلاثاء 10/3 /1429هـ
وسوف أبدأ بأول كسرة قالها عايد القريشي وهو في سن 12 سنة ( ذكر ذلك في لقاء أجراه معه الأستاذ الشاعر عمر الخطيب في جريدة المدينة عام 1411هـ ) وأختم بآخر كسرة قالها وهو في مرضه ( كما أفاد ابنه عبد الحميد بذلك )
من أجمل كسراته
يقول أبو حامد:
ياليت عقل الشقي ماتم=ولاعرف شئ في دنياه
اللي غدت له لهود وهم=وأثرت في حواله آه
(( الود يامجربين الود))=يامجربينه مابين الناس
مدري جعل للخلايق ضد=ولاجعل أنس واستئناس
طرفي رضي بالجفا والقلب=عيا ورأيه معه ما صف
وعيات فيهم تراه أصـــــوب=في عرفك القلب ولا الطرف
صب الهوى الراح في كاسه= وعطره من شفايف فاه
لكن بخل به على ناســــــــه= ورجعه في قزايز ماه
كل الأطبا شباب وشـــيب=والله ولو طبهم ماضي
لو عالجوني سنه ماطيب=ولا اتشافا من أمراضي
طب الهوى مكتب التعليم= حتى تخرج منه عارف
من يجعل الشك والتوهيم=ويعاكس الناس ويخالف
طافن على القلب حراقات=طافن يمينه على يسراه
من نار الأشواق مرسولات=حتى أحرقن فارعه وأدناه
ياليت ليا مع البراق=اللي تعلا على خياله
ماتجعل الحاضر المشتاق=منعش تحت وبل هلاّله
سلط علينا الغرام قلوب=عنها لنا سنين محتذرين
لكنها جاتنا باسلوب=لو ينحكي كذب الحاكين
أنظر بعد كان فاللي كان =ريس والأحكام في يدي
نزلت من مرتبة سلطان=لااقل من مرتبة جندي
نار الهوى ماتقيم حساب=لو كان يجدي معه بالحيل
لازم يقضي عليه أوجاب=وانت تحت عدلها والميل
بعد انتهت صفحة الماضي=وكلا حفظ مانكتب فيها
لو انطوت برضها تاضي=ماحي فالكون يطفيها
____________________
ولكم أجمل تحياتي
شاعر المجالس الينبعاوية
رد مع اقتباس
ضوابط المشاركة
المفضلات