هنا أمسية الكسرة

[أبو رامي]

[poet font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ناصر الحجوري
طرفي سعى فالبلاد وطاف = ولا ترك قطر ما طافه
وياليت طرفك معانا شاف = وشاف الذي طرفنا شافه
مثل القمر لأتضح كشاف = تمشي على ضو كشافه
لكن تعرف اللغات أصناف = والقاف ماهو مثل قافه
وأخشى المترجم منه وآخاف = لا يغير القصد بخلافه
كيف أستطيع أشرح الأهداف= وأعرف غاياته وأهدافه

البعد طوق علينا طوق = وكثر الشجا زاد من لوعي
كيف أتحمل ونار الشوق= توقد حطبها من ضلوعي

بكره مع الطائره في حساب= لا جيت باأودع أحبابي
والشوق وموادع الأحباب = أول ما ألاقيه في حسابي

كم أحسد الطير يوم يطير = وتعانق الجو جنحانه
لا حجز عنده ولا تأخير = يقلع متى ما قضى شانه

قطر الندى داعب الأكمام = وعانق الروض من بدري
وتفتح الورد كالأحلام = وغرد على غصنه النغري
وطاير الأيك نام وقام = بكّير مع طاير القمري
بين الخمايل قضيت أيام = من أجمل أيام في عمري
يا ليتني يومها رسام = حامل معي ريشتي وحبري
أرسم مناظر ربوع الشام = وشلالات النهر تجري

جو الموده عليه جار = ما حد وقف جانبي ضده
خلى دموع العيون غزار = لما الأسى زاد عن حده

كل ما انتظر للأماني شمس= تشرق وشمس الهموم تغيب
يصبح نهاري كأنه أمس = وألقى همومي عليها جيب

لي قلب مرت عليه سنين = مبعد عن الود وأنشابه
لكن تعرض لنظرة عين = صابه بعدها الذي صابه

الله يجازي محيط الهند = يوم حال ما بيني وبينه
يلطم بالأمواج عند بعند = كأن الأحباب مشقينه
لا والله إلا طوانا البعد = طول وصرنا مساجينه
والله لولا الصبر فاليد = العقل خفت موازينه

طلال سويعد
مع الشاعر طارق قاضي
طلال
أبدالي الود وأبديته = وأخلصت له فوق ما أخلص
ولما تمكن وأغليته = باع الوفا ليه واسترخص
طارق
جاني كلامك ومعنيته = يحمل فطيه حنين النص
إحساس عمقه تمنيته = من قلب شاعر ثري مختص
علم الوفا منك سويته = ومن جانبك ما يجيه النقص
إنت بالإخلاص ناديته = لا بد يرجع بنفس الحرص

مع الشاعر عبد الله الخفاجي
طلال
سلام طيبه من العنبر = من قلب توه حديث وشب
رغم الألم والأسى عبر = لما نسيم العواطف هب
أسمع عن الود واتحذر = وأخشى فؤادي لا يوم يحب
لكن لقيت الذي يقدر = رغم الحذر يستحل القلب
الخفاجي
يسلم لسانك وما قصر = يا مرحبا بالكلام العذب
ترحيب مخصوص ومسطر = مخصوص للقلب واللي حب
كيف الحذر والفؤاد أخضر = معذور لو قلت لك أعجب
قلبك خطر والعيون أخطر = وكل الحذر في غرامك صعب
طباع
طبع العلاقات بين الناس = ما يحكمه نظام نأمل له
لما الأسى جرح الإحساس = من ناس مفروض تحتله
راحة
يا زينها النفس لا ارتاحت = وحلو الأماني تداعبها
وطيورها فالسما لاحت = تشدو نغم مع حبايبها
عذاب
ما يسدك البعد يا ظالم = قلبي تعذب وذاق الويل
يا سيد القلب يا حاكم = ارفق بعاشق ما نام الليل
أمنية
يسألني الليل ما تنامه = اللي فنهاره وليله عيد
حتى البكا بحضن آلامه = ماصار يجدي ولا عاد يفيد

ضمن السناني
جرح
مر الهوى اللي تجرعته=من ماض الايام حتى الان
في داخل القلب ودعته=من خوف جرح الهوى لايبان

بين الأحاسيس والأشــواق =مـــر الوعد هيض أشجاني
ولالاح لي طيف بالافــــــاق = نبض الغـلا هـز وجداني

ما كنت أظن اختلاف الراي= فالود يفسد قضيتنا
لين اتضح لي خطأ ممشاي=يوم انكشف وجه صحبتنا

صمت الشفايف شذاه يفوح= وطعم الشهد من سوالفها
ومابين صمت الحكي والبوح= ألحان الأشواق تعزفها

ناصر المحياوي
تخيل إن الغرام إنسان= وأهل الهوى يطلبونه ثار
لا جاه من يشكي الأحزان = يا ويش يبدي من الأعذار

تعبت وآنا أتبع المقفين = وحملت نفسي بما لا آطيق
والآن ليا ثمان سنين = مسجون في ذمة التحقيق

يشكي لنا هول أحبابه = وآنا الذي من هواه آصيح
ما يدري إني من أسبابه = أقوم وآقف وثم آطيح

الله من جرح أخفيته = وشكيت من حر تأثيري
زرع زرعته ورويته = وعند الحصاد حصده غيري
تعتب على وقتنا وتقول = إنت السبب في بلاوينا
ولو كان عدنا إلى المعقول = أكيد تلقى السبب فينا

جريتها الآه من مابي = قالوا علامك تجر الآه
وقلت والله يا أصحابي = الوضع في منتهى المآساه

والله لو تسمع آهاتي = واللي جرالي من الأيام
ما تلومني يوم دمعاتي = تنثر على الخد باستسلام

جاني وقال إنت وش حالك = وقلت حالي بلاها منك
أبكي إذا شدت رحالك = وأبكي وانا في القدوم أحضنك

لقيت واحد من الأصحاب = يا قف ويوفي بوقفاته
واللي حسبنا عليه حساب = ما نابنا غير ضحكاته

نفسي أبلغك عن حبي = أحبك أكثر من أمك لك
لكني أخاف من ربي = تحقد على الأم من جهلك

دايم على البال ياالغالي = والله أنا مستحيل أنساك
حتى ولو ما أنته قبالي = يكفيني أحيا على ذكراك

هيا اسمع المبكي المضحك = فراق خلي كواني كي
ويوم اتصل قال وش بك = وش فيك لا يكون صاير شي

لما شكالي عن أحواله = واللي جراله من التنكيد
زود عذابي بما قاله = وآنا الذي ما علي مزيد

القلب لمواصلك ولهان = يا من غمرته بمعروفك
يا ليتني طير لي جنحان = حتى أني أوصلك وآشوفك

جاني من الحزن يشكيلي = ما يدري إني سنين أشكيه
وقلت روح لا تبكيلي = شوف فاقد الشي ما يعطيه

اللي مضى كانوا رفاقي = زايد عددهم عن المليون
واليوم والله ما باقي = إلا مجرد بقايا طعون

توارت الشمس عن عيني = فجأه بعد ما اشرقت لحظات
والآن ما عاد يمديني = أرجع الماضي اللي فات

يا ما عاشرت بحياتي ناس = لكن الحقيقه وصدقني
ما شفت أوفى من الهوجاس= دايم معي ما يفارقني

يا بخت من بعدنا ياتون = آنا عن الحزن ضامنهم
والله ما عمرهم يبكون = لأجلي أخذت الأسى عنهم

كابرت حتى بلغ ظلمك = تهد قصر الوفا بيديك
واليوم تضحك ولا همك = ما كنه اللي حصل يعنيك

هذاك يسأل وينشد ذاك = ماذا حصل في الأمر ماذا
قال الذي صار ما يخفاك = هذا تكبر على هذا

ناصر الحجوري
طرفي رأى مع غروب الشمس= غزال ما هو من أهل الحي
أخذ عطوره من النرجس = ومن القمر مستمد الضي
إحساس قلبي يقولي حس = بصدق المشاعر وباللي بي
واللي جرالي جرالي وبس = لا تقول ميت ولا ني حي

هجر المودين ياخذ كم = حتى أقدر آصف حسباتي
إن كان فيها أمل ما هم = لو طال هجري ولوعاتي

مكتوب ما فالهوى راحه = مسكين راعي الهوى مسكين
كا ما أشعل سراج مصباحه = تطفي شموعه دموع العين

غزال طرف المتيم شاف = رباني الكحل في عيونه
للقلب كيف أجعله ميلاف = وعواذلي صف من دونه

عصاة راعي الغنم راحت = ومعها خضار المراعي راح
حتى بيوت الشعر طاحت = يوم المطر فوقها ما طاح

صارت بيوت الحجر أطلال = تحكي للأجيال ماضيها
كأنها راسيات جبال = بقيت وراحوا أهاليها

من لا درى يا عرب يدري = جيران شدوا قبل يومين
ومنهو يجيب الخبر بدري = ويقول ذاك الشديد لوين
عشره جنيهات له مصري = ودرهم خليجي ودينارين
وآزيد وآضاعف الأجري = وأعطيه من سلمنا ألفين

طلال سويعد
مع الشاعر ضمن السناني
ضمن
مدري وش أخبارها ينبع = نبع المحبه ونبض البوح
في خافقي للهوى منبع = يجري فوسط الجسد والروح
طلال
للآن في روضها تجمع = زهر الوفا بالعبير يفوح
لكنها عيونها تدمع = لشوفتك ترتجي وتلوح

مع الشاعر موسى السيد
موسى
إعداد ما حرر الكتاب = سلام نبعه من أعماقي
ينصاك يا أصدق الأصحاب = يا مالك القلب واشواقي
اللي نعده من الأحباب = ظالم ويسعى على فراقي
فتشت في معظم الأسباب = لقيت نهجي معه راقي
طلال
مرحب هلا فايق الترحاب = للي لهم نهج براقي
طيب ووفا حايز الإعجاب = غالي ودايم في إشراقي
إن كان لفراقكم طلاب = لا تجعله همك الشاقي
مثلك على منهجه ما خاب = يبقى على قمته باقي

روحي
مرغم ياروحي لو إني اخطيت = ما أنته على ودنا الجاني
يا ما على هجرنا ظليت = لاهي ولا همك أحزاني
مناداة
ما يحق لي من حنانك شي = وآنا به الود سميتك
اسأل ضميرك إذا انه حي = كم ليل في ليل ناديتك
صوب الأمل
من عادتي ما التفت للياس = صوب الأمل تنظر عيوني
مهما شربته مرار الكاس = أخفي ولا يبان مكنوني
الوفاء
آنا جعلت الوفا قسمي = مهما ألاقي من الأسقام
ما يهمني من بقي خصمي = الحق يظهر مع الأيام
معاناة
اكتب على صفحة الأيام = وسطر بها كل حالاتي
ما دام زانت لك الآلام = ارقص فرح من معاناتي
الأوهام
بحسابنا نسبق الأيام = وقلوبنا صدق مغتره
نطمح ونجري ورا الأوهام = ما كنها تنتهي مره
عزيز النفس
قلي متى بالحنين تحس = يا اللي تماديت في بعادك
حرام وآنا عزيز النفس = يذلني الشوق وعنادك

ضمن السناني
رثاء شاعر الجيلين
الشاعر / محمد ابوشعيب يرحمه الله
وان00البحر والنخيل ينوح=اللي دفن بوح وناته
وأسمع صدى صوته المبحوح=وحزن اكتسى صمت عبراته
وآهات رضوى تهز الروح=وزادت على القلب حرقاته
على الذي بالوفا ممدوح=شامخ على العز وقفاته
ياكم بنى فالقصيد صروح=وليل الصفا ضم كسراته
فعله وقوله أبد مايروح=لو الجسد غاب ورفاته
واطلب من اللي كتب فاللوح=يدمح ويغفر لزلاته
فجنان فيها العبير يفوح=يجعل مقره وغاياته

لبيك ياوالدي
يفداك ياوالدي راسي=ياعز منهو تنومس فيك
لو تأمر الروح وإحساسي=قالت على أمرك ولك لبيك
ودامي على منهجك راسي=ماخاف جور الليالي ذيك
ياتاج راسي ونبراسي=أطلب من الله لنا يحميك

حساب
من لايحسب الخطى ويقيس=بعد المسافات في دربه
بين الخطأ يسير والتدليس=ويصبح مع الذات في غربه

ماهي غريبه
ماهي غريبه ولا أستغرب=لاجات طعنة قفا من لاش
الا العريب الذي معرب=يسمو عن الهابي الغشاش

الشهيد الرقيب
فرحان الشمري
نال الشهاده وحاز وسام = بإيمان صادق على الفطره
وفصفحة العز والإقدام=فرحان فالسيرة العطره

ناصر المحياوي
اللي بلا سلاح ما يقتل = لا تقتله لأجل معك سلاح
آنا قتلتك وكنت أعزل = وإنته معك رمشك الذباح

عيد وفرح وابتسام وأنس = ومعانقه بين الأحبابي
وآنا أعيش العذاب من امس = والحزن واقف على بابي

العين في احبابها تنظر = تفرح بهم حين لقياهم
وأصعب دقيقه عليها تمر = عند الموادع وفرقاهم

أيام كنا طفال صغار = نلعب سوا مثل الإخواني
دار الفلك واستدار ودار = وكلا تكبر على الثاني

يا ليتني كتاب في يدك = والا قلم تمسكه يمناك
والا مدامع على خدك = والا مناديل في مخباك

لي جرح عيا الدوا يشفيه = بالعكس كثر الدوا زاده
واللي علاج الحشا بيديه = ما زال باقي على عناده

من شافني قال متعافي = مبسوط ما هو من الباكين
وآنا بقلبي ألم خافي = أجاهده من ثمان سنين

اللي وضع لي هواه بكاس = وأخذ من الكاس يسقيني
ما يدري إني رهيف إحساس = وجرعه من الكاس تكفيني

البارحه زارني سيدي = بالحلم جاني بعد ما نمت
ومن سو حظي وتعقيدي = أول ما قرب بجنبي قمت

لو مر طيفك على بالي = القلب من هول ما به فز
لك فالحشا منزل عالي = حتى لو إن التلاقي عز

أكن لك كل تقديري = وإنته بجرح الهوى ماهر
بكره لاجربت احد غيري = تبكي على قلبي الطاهر
[/poet]


[ALIGN=CENTER][/ALIGN] [ALIGN=CENTER]الشاعر الرائد / صالح السناني [/ALIGN]

[ALIGN=CENTER]انتهت[/ALIGN]


[ALIGN=CENTER]وأرجو من الزميل أبو ياسر إدراج بعض الكسرات التي سقطت ومنها كسرة الشاعر ضمن الموجهة لوالده.. وأستميحكم العذر [/ALIGN]
[/poet]





[geo].[/geo]