[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
المعذره لجون
احببت ان انسق القصيده
لتكون سهله للمتصفح

يا فيصل أنا أوصيك مني وصيه=وصيت أبوك وباغي اليوم أوصيك
خلك فطين تعرف هذي وذيه=واعرف صديقك واعرف اللي معاديك
خلك كما عدن يروي الرويه=خلك حسين أخلاق حاضر وماضيك
معروف جدك حامد بن عطيه=حساه من زين المفاهيم يعطيك
الساس مبني ماتحذى حذيه=خلك على ساسك وجدد مبانيك
ولا تجلس إلا عند ربع وفيه=ابعد عن البطال لاتجيه ويجيك
وإن جاك ناصي باشره بالتحيه=عينه على مابه عسى الله يغنيك
واوصيك لاتبخل بروح صخيه=المال يفنى وأبعد الناس يطريك
خلك وسيع وكون دماح أسيه=لسرت غالي لازم الناس تغليك
وإن جيت ماشي في ديار أجنبيه=خلك عفيف النفس واعرف مواطيك
احرص من الأنذال والبيهقيه=ولو يسعلونك لاتعلم بطاريك
يا فيصل أنا أبغاك قايد صريه =خلك رضي في أمك وأبوك واخيك

تحياتى

اخوك النــــادر
[/poet]