ما سبب اهمال الشاعر للبيت الاخير من الكسرة ..؟

[ذوب الشقاوي]

ياحبيبي يابومشاري هذا من طيبك وفيض كرمك ولكن احلم علي ترى الفاصل عندي ثقيل طينه
ولااعكر من طينته الا مزاجي المتنيل بسته وستين نيلة
توي جاي من زواج ابغى اخذ لي غطة وبعدها باذن الله ابتلقى الديرة
واذا حصلت فرصه راسلناكم من هناك وان ماحصلت فرصة
وسع صدرك وخذ وخل من خثاريدي فماكل ماكتبه اعنيه
وفكني من هذه الكسرة المجنونة التي ورطتني بدون قصد مع شخص غالي شارك في الموضوع
وذلك بقصفها العشوائي على قول ايمن وابوزارع
وهاك هذي ارسلتها وانا متمغط على السرير قبل امس
لصديق ارسل لي عفريته وسحبني من على فراشي

احسني دايش إمكسّل **** ودي اجيلك ولكن شي
إيردني كل ما أغسّل **** دايخ مدروخ ولاني شي

واليك هذي فوق البيعة من الإرشيف لأني اعرفك تحب الورد مقلم الأشواك
وتراني بري ومالي شغل رافع يدي من الهوى ومقفي عنه
ولكن اكتب حسب الطلب للشباب حسب وصفهم ومن نسج خيالي بعيداً عن اللي في بالي

قالوا لنا ناس بالفطرة 0000 كاتين يفطِر عليه التين
واحنا من الوجد والحسرة 0000 إنون من أمس لين الحين

اتخيلك في جمال الروح 0000 واتخيلهُ في جمال البدر
أضمد احساسي المجروح 0000 كل ما دمجت الخيال فصدر

وتكفى فكني من رشاشات ملك الساحة اللي فالصندوق تراني خروش

ودمتم جميعاً بود وفي اسعد حال