السلام عليكم ورحمة الله وبركاته
اول مشاركاتي قصيده للأم على بحر الهجيني عسى ان تنال الاعجاب


[justify] [/justify][justify][/justify][justify]
يذكرك بالخير يا امـــــــي=رب البرايا عظيم الشــــــان
ليتك معي جالسه يمــــــي=فاقد حنانك ولك ولهــــــــــان
فيما مضى شايله هـــــمي=يومي صغيير مع الوغــــدان
ولا سال من اصبعي دمي=تجري دموعك على الاوجان
واليوم بعد العظم رمــــــي=وغديت انا وافي البنيــــــان
وزنودي اللي ملت كــمي=وفبيتي حسنا ولي ورعــــان
ما قلت ياميمتي سمـــــي=ولا اوفيت حقك على الخـلان
ودايم كلامي معك خمـي=وللغير موزون بالمـــــــيزان
شيطان لقلوبنا زمــــــي=واغوى مداهيلنا الشــــــيطان
ياليت الايام تلـــتـــــمي=ونعدل الي مضى او كـــــــان


[/justify]