[poem=font="Simplified Arabic,6,burlywood,bold,normal" bkcolor="darkred" bkimage="" border="ridge,8,burlywood" type=0 line=0 align=center use=ex num="0,black""]
محمد الزيلعي=
زلزل بحور المعاني لين=يظهر لنا درها الخافـي
بافكار ماتقبل التهجيـن=وتدي الدوى مثلنا صافي
عايش الدميخي=
بقدر التجارب وعرف سنين=وما يفرض اليوم ميقافـى
بابذل جهد والمعين يعيـن=وابحث عن النافع الشافـى
محمد الزيلعي=
تبعت قلبي ولا أدري وين=واثره مشابي الرمض حافي
وطاشت لقلبي سهوم العين=واليوم أبحث عن اسعافـي
عايش الدميخي=
نمشي ورا قلوبنا راضين=فى معظم الوقت يا كافى
لو للخطر برضنا راجين=تلقى لها ولف ميلافـى
محمد الزيلعي=
من تجربتك أعطنا بيتين=نور بها دربنا الطافـي
لا صار قلبي بقبضة زين=ماقد سعى يوم فانصافي
عايش الدميخي=
لاصار قلبك ما بين ايدين=مرتاح فى جوها الدافـى
لو مالقى عندهم تثميـن=يقفي ولا يعود للجافـى
[/poem]
المفضلات