=[poem=font="Simplified Arabic,6,orange,bold,normal" bkcolor="black" bkimage="" border="double,6,orange" type=0 line=0 align=center use=ex num="0,black""]
محمد جميل الريفي
طرفي لذيذ المنام إجفاه = قفى ولاعاد له ثاني
بعد الرضا ذاك في معاداه = مابين الاهات خلاني

= عايش الدميخي
اشقاني المشتكى معناه = وجذب لي الدمع فاعياني
طبع السهر سم ماارضاه= عليك وانته من اخواني

= محمد جميل الريفي
طرفي منامي غدى فرقاه = وسلطانه النوم عاداني
ويش لي عليّ السهر بلواه = في لج الافكار وداني

= عايش الدميخي
طرفك من الود سهده جاه = ولا بسقم عضو براني
قلي عشان افتهم شكواه = وافيدك ان كان بامكاني

= محمد جميل الريفي
حيات من صوره وانشاه = اني مع الود متفاني
بس الذي خاطري اشقاه = سقما على القلب عناني

= عايش الدميخي
هل السقم جاك من يمناه = متعمد السقم بلعاني
ولا جهل بالذي سواه = ولايعلم انه هو الجاني

= محمد جميل الريفي
يوم الوفا ماحصل مجزاه = بذلت جهدي ولا مداني
وديتهم ياشبيه الجاه = واغليتهم وارخصوا شاني

= عايش الدميخي
بعد التحقق وشور قضاه = فيما ذكرته وماجاني
نعرفك ممن يقص اخطاه = راعي مواقف وانساني
بعض الاوادم اذا تنخاه = فزاع خلاك وحداني
النوع هذا لزوم انساه = خبيث طبعه وشراني
= وياصحابنا سامحونا
[/poem]