[ALIGN=CENTER]اسف على التدخل اخواني يمكن مالي دخل بالموضوع على اساس اني ماني من ينبع ولا اصلي في المسجد نفسه..

لكن انا مسلم والموضوع يخص كل مسلم علشان كذا اقول وبالله التوفيق..

دين الإسلام دين يسر ولله الحمد.. ولكن في نفس الوقت هو دين يعلم الناس الصبر والإحتساب على الله الأجر في كل شيء.

يعني اخواني في الله بصراحه الواحد مننا ماعنده مانع انه يصف سرى في الجوازات يومين او ثلاثه ايام لكن اذا طول الإمام في الصلاه تصير الحوسه ويكون الإمام الله يهديه متشدد ويبغا يتعب الناس..

مع العلم انها مره في الأسبوع عاد كيف لو كانت كل يوم؟؟؟

للمعلوميه ترى الرسول صلى الله عليه وسلم قرأ مره سورة البقره في الركعه الأولى وآل عمران في الثانيه؟؟

ويا اخي لو تذكرت يوم الميعاد يوم القيامه والموقف اللذي سيقف فيه الناس في يوم كان مقداره خمسين الف سنه كان هان عليك الربع ساعه اللي بتوقفها في صلاة الجمعه..

لو انك جيت للصلاه بدري ماكان عانيت من كل هذا وكان لحقت لك مكان في البراد داخل..

عموما ً اخي العزيز هي نصيحه ارجو ان تقبلها مني بصدر رحب..

الله سبحانه وتعالى يقول/ ((وما خلقت الجن والإنس الى ليعبدون))

يعني اخوي احنا وجودنا في هذي الحياة بالدرجه الأولى للعباده وبعدها تجي سائر الأمور وانت بكلامك هذا كإنك تمن على الله بصلاتك وهذا لا يجوز..

اسأل الله الهدايه لي ولك ولسائر المسلمين انه القادر على كل شيء واسف على التدخل[/ALIGN]