وحيدة السعودية بحاجة إلى وقفتكم

[صالح محسن الجهني]

شكرا أبو رامي تستاهل شاعرتنا القديرة / عيدة الجهني وأنا أول المصوتين لها عبر الإيميل
وبالتوفيق إن شاء الله .

ومعكم استاذنا الفاضل ابو سفيان وشكرا جزيلا استاذنا الفاضل أبو رامي وسنعمل ما بوسعنا سائلين المولى عزّ وجل لهذه الشاعرة القديرة والقدوة الحسنة لشاعرات وأديبات هذا الوطن الغالي في شتى مناحي الشعر والأدب العربي التوفيق والسداد
وإليكم هذه القصيدة الرائعة للشاعرة القديرة / وحيدة السعودية وكانت بمناسبة عودة سمو ولي العهد سيدي صاحب السمو الملكي سلطان بن عبد العزيز سالما ومعافا إلى أرض الوطن وقد أطلعت عليها بالعدد الذهبي لمجلة الدفاع العدد 152 السنة 48 ذو الحجة 1430.



شَرَّك غدى


الشاعرة عيده الجهني

[poem=font="Simplified Arabic,7,white,bold,normal" bkcolor="indigo" bkimage="" border="none,4,sandybrown" type=2 line=0 align=center use=ex num="0,black""]
شرّك غدى واستبشرت فيك الأوطان=يا ضيّها اللي دون باسه هدبها
يا سترها في يوم روغات الاذهان=يا سيفها اللي سلّته في نشبها
يا حرّها اللي عزوته طير حوران=لا هدته بالجول يكثر شببها
سلطان كم جادت لك قلوب سلطان=تدعي لك الله يوم طيبك ندبها
لك في ثرى طيبه مزارع وقلبان=عليك بالأسحار يدني عنبها
كفك نداه أزرى بهمّال الأمزان=كم روضةٍ بالقاع كفك سببها
وكم مدةٍ سدت عن الضيق بيبان=مديتها عند الولي محتسبها
تسحب ردون الطيب يا ذرب الايمان=على الثرى وقلوبنا تستلبها
يضحك حجاجك لو غدى الوقت زعلان=يوم اللحى ما جزّها ألا غضبها
وإن وقدوها نار في عُسر الأكوان=من روس عدوانك تولِّم حطبها
من للعظائم يا سلايل كحيلان=غير الذي نوخ بعزمه صعبها
يوم إنها ماجت من فلان وفلان=ودهى الجزيرة شرها من عربها
رسيت مثل طويق في كل ميدان=وثنيت لأم الطوق ماضي طربها
ويوم إنها تيبس بها بعض الأغصان=بيديك تسقي عرقها الغض وابها
في كل ديرة لك مراكز وبنيان=من عضته نيبان بقعا طلبها
يا ريفنا اللي له عقل عالي الشان=تفرح به اللي طول بعده نكبها
أوطان زانت له بترديد الألحان=غنى من الفرحه بشوفه شعبها
تزينت له باللقا عقد قيفان=تتعب صواويغ الذهب في عجبها
شرّك غدى يا سيّد الجود وإحسان=من كان مثلك فالشدايد غلبها
[/poem]