أقيم هذا الرديح بينبع النخل يوم الأربعاء 18/ رجب /1431هـ

شارك فيه من صف ينبع النخل الشاعر : عطية الله الفدعاني
ومن صف جدة : الشاعر عبد العزيز بنيه والشاعر ماجد أبومديدة ومعهم الشاعرناصر السميري
ومن ينبع البحر : الشاعر ياسر الكبيدي.


لــحــن لـيـحــان
صــــف جـــــدة

[poem=font="Simplified Arabic,6,blue,bold,normal" bkcolor="transparent" bkimage="backgrounds/8.gif" border="none,4,gray" type=0 line=0 align=center use=ex num="0,black""]
ميقاف كسب الوفاء حتّـم=ورد الموافى علينـا ديـن
سلام مثـل الرعـد لارزم=وابل سحابه يسـر العيـن
صـف ينـبـع النـخـل=
مابيننـا الطيـب مايقـدم=بقدومكم فرحنـا فرحيـن
ترحيب لجل الوفاء بلسـم=بأهل الوجب والمسار الزين
صــــف جـــــدة=
يللي ترحـب بنـا تسلـم=وإحنا على الطيب متفقيـن
كسب الوفاء بالوفاء مغنـم=عساك باقي مـع الباقيـن
صـف ينـبـع النـخـل=
لجل الوفـاء بيننـا معلـم=مرسوم نهجه من الماضين
حنا من الطيـب مانسـأم=نوفـي الكيـل للوافـيـن
صــــف جـــــدة=
تم الوفاء والموافـى تـم=وسرنا على الخط متساوين
ابحر معي في غزير اليـم=نبغى الذي في الخفايا يبين
صـف ينـبـع النـخـل=
الطيب موجـود ومرسـم=مشهود مثل الجبال العيـن
وياما سعينا بغزيـر اظلـم=وياما رسينا مع الراسيـن
صــــف جـــــدة=
غياهـب الوقـت ماترحـم=سنين راحت وجات سنيـن
وانـا عيونـي تهامـل دم=وكل يوم تبكي على الغالين
صـف ينـبـع النـخـل=
من جور الايام من يسلـم=ومن فيه ماجرّب التحزيـن
اللي معه عزم مااستسلـم=إيمان قلبه قـوي مايليـن
وانـكـسـر هذا الـلـحــن=
[/poem]