خواطر أبو محسن

[صالح محسن الجهني]

من ديواني " بين السحابة والسراب " الإصدار عام 1416 هـ
[poem=font="Simplified Arabic,6,white,bold,normal" bkcolor="royalblue" bkimage="" border="none,4,gray" type=0 line=0 align=center use=ex num="0,black""]
*=*
يا ورد=
يا ورد يا اللي تحب الورد=لا يذبل الورد بيدينك
عايش بقربك ما يرضى البعد=ما دام تسقيه من عينك
الورد مثل الحياء بالخد=لو شفت خجلان من زينك
أحلى هدية تمد اليد=باقة وفاء بيني وبينك
واللي يعرف الهوى والود=يسقيك يا ورد في حينك
يا ورد يا اللي تميل القد=إن جيت دار العرب فينك
يكفيني أنك بقلبي تعد=الغالي اللي على هوينك
فيني ترى خافقي ما صد=لو باعوا الناس شارينك
غالي مكانك ولا له حد=حديقة الروح معطينك
انشر بها ريحتك والغد=ريحة عبيره من سنينك
________=________

الدلّه=
يا قلبي اللي على الدلّه=يشفق على شربها بالحيل
لا زلّها حافظ الزلّه=تريح ضميري لها تفضيل
النفس ما صابها ملّه=جاء بنّها واختلط بالهيل
حتى غدت تقل منهلّه=وسميةٍ في ثراها سيل
تسقي هل الخير والتلّه=خضارها كنّه بالتفصيل
سبحان رب السماء الله=الي وقانا دروب الميل
يا راكب اللي تقل فلّه=لا سندت ما تهاب الشيل
ركابها رجال مستلّه=قلوبها في ظلام الليل
كل ما لفوا دار في طلّه=قدم قراهم رجال الخيل
ما بين هرجه ومشتلّه=ما جابها راعي التمثيل
اللي نسى يجلب الغلّه=سوالفه ما لها تجميل
يا عيد حالي قضى كلّه=غاب القمر والرقيب سهيل
القلب له عين مبتلّه=حظه عشق نومة التعسيل
يا ما حفظته عن الذلّه=على الوفاء بموقف التصميل
واشوفه اليوم له جلّه=ذكرني اللي مضى وقبيل
قال الهوى حط بي خلّه=ذوقني المرّ والتنكيل
حتى الزمن علني علّه=ما طاعني وانتهى التحصيل
الزين حلّ الوصل حلّه=وانا موثق حباله حيل
ريميةٍ كنها الملّه=ما مل انا منّها لو قيل
راحت ولا بعينها هلّه=ما تحفظ الوعد دوم تميل
أبو محسن=
*=*
[/poem]
من قديم خواطري
[poem=font="Simplified Arabic,6,white,bold,normal" bkcolor="indigo" bkimage="" border="none,4,gray" type=0 line=0 align=center use=ex num="0,black""]
*=*
7/2/2005=
نجري وتجري بنا الأحلام=والقلب من لون دقاته
هذا تبسّم له الأيام=وهذا تعقّد سجلاته
*=*
18/2/2005=
يا سيد هذا عسل حالي=ويجوز سكر على سكر
ما ينفع اللي مثل حالي=لو ما شراء منه يتأثر
*=*
16/3/2005=
الحب أول مشاكلنا=واخر مشاكلنا يبقى الحب
كل ما تصده شكايلنا=أول ضحايا عناه القلب
حنّا البشر حار عاقلنا=للأن ما فاد فيه الطب
واللي تهمه مثايلنا=يعلن قراره بموقف صعب
أبو محسن
*=*
[/poem]
مراسلات / محاورات
[poem=font="Simplified Arabic,6,white,bold,normal" bkcolor="purple" bkimage="" border="none,4,gray" type=0 line=0 align=center use=ex num="0,black""]
*=*
16/3/2005
سبعة تعدوا بسبع سهوم=تواردوا قلبي الشاقي
يا الله عسى يجيبه المقسوم=السابع الساطع الناقي
عبدالرحيم البلوي=
بالخير عدوا إلى ذا اليوم=الله يبارك لك الباقي
ويجيب لك منّية المحروم=تروى وتخّضر الاوراقي
أبو محسن=
ردك على غاية المرسوم=يا اللي على الطيب متهاقي
العمر والعافية ما تدوم=لكن طبع الهوى راقي
عبدالرحيم البلوي=
متلام مُنيتك ريم خشوم=والقلب محتاج له ساقي
انصحك بس لا يجيني لوم=فالشام من بيض الاعراقي
أبو محسن=
*=*
[/poem]
قصيدة رثاء
رحم الله الشاعر الكبير طلال عبدالعزيز الرشيد ( الملتاع ) أبو نواف

[poem=font="Simplified Arabic,6,white,bold,normal" bkcolor="black" bkimage="" border="none,4,gray" type=0 line=0 align=center use=ex num="0,black""]
*=*
28/7/2004=
يا الغايب الحاضر بكيت=شفتك عسى الله يرحمك
امسيت معنا وانت ميت=بنظم القوافي من فمك
الشعر صافي بيت..بيت=سبحانه اللي ألهمك
ولرحمة الرحمن جيت=سعيد في زاكي دمك
دنيا الشقا منها مشيت=والشعر باقي يزهمك
وينك يا بو نواف اتيت=اعطاك ربك علمك
وقفت بالباب احتريت=لو مت لا ما نعدمك
هم انتهوا لا ما انتهيت=طاحوا وزادت اسهمك
بنيت لك مبنى وفيت=سجّلت اسمي بمقلمك
(فواصل) اللي لي عطيت=ابداعها من خاتمك
احفظك عندي ما نسيت=ببحور عايش وافهمك
ولكل شاعر لا لفيت=اعود لك ما أظلمك
(ملتاع) نعرف ما شكيت=سعيد والله أكرمك
أبو محسن=
*=*
[/poem]
مناسبات وطنية / اجتماعية
كأس اسيا
[poem=font="Simplified Arabic,6,white,bold,normal" bkcolor="seagreen" bkimage="" border="none,4,gray" type=0 line=0 align=center use=ex num="0,black""]
*=*
19/7/2004=
قلبي أخذني لسور الصين=اسأل عن اللي شغل بالي
يكفيني أن العرب دارين=هذا الوطن عندنا غالي
ونشدت عنهم أهل بكين=من شافهم يا بعد حالي
قالوا ترى عيالكم زينين=تعادلوا حظهم عالي
قلت النتيجة بها راضين=والحمد للباري الوالي
نبغى حصون الدفاع تلين=بهجوم مدروس متوالي
تطويق خط الوسط تأمين=ثم إلتفاف ورمي صالي
من يستغل النجاح يبين=يطرد خصومه ولا يبالي
والله يشهد يا حرف السين=ما افك من حبك حبالي
لا زلنا في بحرها راسين=ما يطيح من راسي عقالي
من قدرة الله بها ماشين=ما نعشق المركز التالي
يا الرامي ارمي على الرامين=صيدات شبل الوغى جزالي
واهل العزايم بها ماضين=إن وحدوا صف الابطالي
خضر الفنايل شعار الدين=تاريخهم ناصع الجالي
واعيالنا فرحونا سنين=شجعتهم ماني لحالي
أهدوهم الورد والياسمين=والمقبله طعمها حالي
أبو محسن=
*=*
[/poem]