ليالي جده الينبعاويه ( الليله الأولى ) و ( الثانيه ) و ( الثالثه )

[أبو حسن]

[ALIGN=CENTER]الليله الثانيه

كانت في
منزل الشاعر / بنيه العروي ( يرحمه الله )
وبدأ اللحن من الشعراء
( ماجد ابومديده وأنس الدريني وطارق الغانمي ) [/ALIGN]

[poet font="Simplified Arabic,4,white,bold,italic" bkcolor="darkred" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

حتم علينا الوفا نوفيه=ونوافي أهله وحيانه
سلام للدار واللي فيه=واللي تعنى على شانه
ويأتي الرد من الشعراء
( جباره العروي وعبدالعزيز بنيه )
يامن كسب طيب من ماضيه=ومجود بناه وأركانه
ترحيب مثل العسل صافيه= والود نهجه وعنوانه
أبومديده والدريني والغانمي
يبقى المرحب ومن نغليه = للطيب ساسه ونيشانه
وياليت رسم المثل نحييه=ومعك نتمجرى بألحانه
جباره وعبدالعزيز
رسم المثل منك متحريه=والطيب يرجح بميزانه
صيغه وأنا منتظر وأوحيه=هاته وعجل ببنيانه
أبومديده والدريني والغانمي
قلبي إشتكى والخصم قاضيه=اللي تسبب في حرمانه
كيف يتمكن منه يرضيه=وينول طيبه وإحسانه
جباره وعبدالعزيز
قاضيك حكم العدل لاغيه=وعهد المحبين ماصانه
لاتجعل المسأله في إيديه=مادم لك بان عدوانه
أبومديده والدريني والغانمي
إنت تعرف الهوى صاليه=يوقد على القلب نيرانه
ماهو بيد الذي ماشيه=حتى يتحرر من أحزانه
جباره وعبدالعزيز
أشعل سراج الأمل وأضويه=حتى معك تثمر أغصانه
وماظن راعي الهوى يعفيه=صده وبعده وهجرانه
[/poet]