رديح الوجه الآن حيا على الهواء

[ابو لينا]

العزيز zeyad مع اني مختلف معاك لكن تمون ( ما اقول لكم ديمقراطي )

أقول يا أخوان ... ماكنكم اعطيتم الموضوع اكبر من حجمه ...وبعدون لاتنسون هذا شعر محاوره وكلا يتحمل اللي يقوله اما كلا قاعد تحت المكيف ومقابل الدله والبراد ويقعد يقول هذا صح وهذا خطأ ...مايصير ....وبعدين قولوا لي كيف تبغون الرديح يصبح مسلي ومثير بدون مثل هالكلام الساخن ....اقول اركدوا وخلوا الرديح بحاله لعل وعسى أن الله يقوم حظه ....والكلام اللي صار مافيه كلام مخل لا بالدين ولا بالادب هذي اراء ووجهات نظر للشعراء يجب احترامها والموقف يتطلب الرد بهالشكل ....وبعدين كني قريت واحد يشير الى شعر القلطه والمحاوره بشكل غير لائق ....ترى مايصير وماهو معنى اني ما أحب شعر المبادع انه ماهو زين لا لا لا مايصير يابو الشباب ...انت لو تعرف شعر القلطه مثل ماتقول ماتهكمت عليه بالطريقه هذي شعر المحاوره فيه أثاره وتشويق وتغير عن خبرك بكثير صاروا فيه دكاتره شعراء واكاديمين على مستوى عالي ...فا بليز يعني لا ... للتهكم ...اعود لموضوع الرديح اللي كلنا نحبه ولكن مانحبه بطريقته اللي من عشرين سنه الا ماندر ...نحبه يوم سمعنا كلام على ابو مدهون يوم يقول للمجيدير ( اذا ماخانتني الذاكره ) :

جميل ياهل المصافا وين ....... في صفكم ليه مانرعيه
اللي ان تكلم كلامه زيـن ....... ويترجم القيل ويمعنيه

ويوم رد عليه المجيدير :

قوم أستمع ياغراب البين ....... فالطاري اللي لنا تطريه
خذلك صفا كامل الحرفين ....... واللي على غيبته خليه


وكلام ابو شعبان يوم يقول للجنق: (سجلوها هذي من اللي ماحد يدري عنها)

مالك ومال الهوى يالجنق .......... يالجنق عود على دارك
والحق جمالك براس البـرق .......... وعود لمعزاك وحمـــارك


ويوم همام القايدي يقول للحيدري

هذي طوالع رجل كذاب .......... واظن منه العقل مافيه
الاوله لي يالــــــــــعاب ........... كم مثلكم في البنا نبيه

هولاء الشعراء ماحد ينكر شاعريتهم ولا احد ينكر فيهم حسن الرد فيا اخوان الشعر يتطلب بعض الاحيان بعض الردود القاسيه وترانا ملينا من الكلام اللي مايقضي حصيل مثل ماقال احد من الاخوان الكلام كله عن القلب والغرام والوفا واشياء يستحي ان يذكرها الانسان ... انا ماقول مانتكلم عن الوفا بس عاد كل شوي مايصير ولا عن السهر والغرام وقلبي رماه الهوى ...وروحي مدري وش صار فيها ...مايصير مايصير مايصير نبي شي مختلف بس مختلف جيد ماهو سيء ارجو اني اكون وصلت المعلومه المطلوبه

بالنسبه للكسرات القديمه عندي لكم :
الكثير والكثير بس الوقت مايسمح لذكرها عموما ....عوده للموضوع ارجوا ترك الشعراء بحالهم وخلهم يقولون اللي يحسون فيه هذا شعر ومحاوره ومنافسه وياكم صار بينهم وعودوا اصحاب ...البلغه ان اللي يطبلون ارجوا ان يتركوا عنهم هذي العاده السيئه ...... والله يالولا اني مستعجل لكان شفتوا شي(اقصد من الشعر) ماعمركم شفتوه.
تحياتي