[poem=font="Simplified Arabic,5,#C32727,bold,normal" bkcolor="#212117" bkimage="" border="solid,4,#400000" type=0 line=0 align=center use=ex num="0,#400000"]
بعد العزا مريت بيتـاً لنـا كـان=بيتاً شمالـي والمقيـرح جنوبـه
وقّفت به لحظه وفاضنّ الاعيـان=وانا اتخيـل كـل ماضيـه دوبـه
مرحوم يا جيلاً مضى عالي الشان=اقفى عسى الجنة على آخر دروبه
بعد نخل ينبـع , نخيـلاً ورمـان=في جنة الفردوس يلقـى المثوبـه
وِجْدِي على جدّي وابويه وحمدان=وجد الذي لولا الحيا شـق ثوبـه
أبكي عليهم كل ما ذكرهـم حـان=بين العرب بالطيب لا سولفوا بـه
وابكي عليهم كل ما شفت سلمـان=واقول يا عم الصبر روّحـوا بـه
يوم الثلوث اقفى نعش فوق الامتان=نسـل الكـرام الله يغفـر ذنوبـه
ما عاد باقي صبر بعده وسلـوان=نَعَوْه من يوم ابو نافل نعـوا بـه
ماجور سبع سنين والسبع مـا لان=لو هو طريح فراش ما طاح نوبه
ما يشتكي رغم المعانـاه لانسـان=وَلا يـذوق الاّ لصمتـه عذوبـه
صام الدهر واستمسك بقول سبحان=كل ما عدَل نومه على احد جنوبه
واليوم اعز انسان بجوار رحمـن=في منزلن من جنة الخلـد طوبـه [/poem]
ونعم الرجال ماذكرت أخونا الغالي .رحم الله الجميع وابقاكم فالخير في أهل الخير لاينتهي ابدا