[poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
ما أحب طاري السبت من بد الأيام= وأفرح ليا قالوا نهار الربوعي
سبت ثقيل وليلة كلها خصــــــــام=مع المخدة والحلوم الفجوعي
يرتاع بالي كني محكوم باعـــــدام=والقلب يرجف يدركنه ضلوعي
هم الدوام مكدر البال له عـــــــام=ما أنسى عذابه في سجودي وركوعي
والراتب المحسوب طيار بأيام=وأتلا الشهر ما غير أفرك سموعي
وبعض العرب همام يا أمات الاسلام=يجمع صنوف المال من كل نوعي
هذي عماير والأراضي لها أرقام=والبنك يشهد بالودايع دفوعي
ما ني بحساد لكن حظي ما قام=أشكيه لله عالم بالتبوعي
يرتاح بالي بعطلة الصيف أيام=كني سجين مطلق له رجوعي
تشرح وتتعب والطلاليب نيام=ما أحد معك يا مدرس اليوم يوعي
شغل المدارس هم للنفس حطام=واللي ما يدري يحسب أنه زروعي
[/poet]