(( خـــــــــا صـــــــــــــــــــــــــــه ))

[البندر]

[poem=font="Simplified Arabic,6,#EAEAEA,normal,italic" bkcolor="#FF00FE" bkimage="" border="ridge,5,#66A988" type=0 line=0 align=center use=ex num="0,#400000"]
البندر=
انا قبل لاحتـرم روحـي=احدها لإحتـرام النـاس
حتى الذى ينقض جروحي=اخفيه فى داخل الاحساس
الاديب ابو عماد=
مدّيت يـم المثـل شوحـي=رديت باللي قريتـه حـاس
لطيف عن حاجة شروحـي=طيب الفتى من جواد السّاس
البندر=
تقابلت فالطريق عيـون=ومن عادة العين جذابـه
السحر فى جفنها مكنون=والشوف يغنى عن الجابه
الاديب ابو عماد=
صدفه وماهى من المضمون=مناظـر الـدرب خلابـه
والعاقل اللى مشاها بهـون=النفـس تطمـح وهيـابـه
البندر=
ياشاعر الشـوق يسعدنـي=فالقيل ناخذ معك مايلـوق
وبنشـدك قـدام تنشدنـي=ياللى كلامك غـرام وذوق
لو !! ما اشوفه!!! يراودني=طيفه ويشعل لهيب الشوق
حتـى فمنامـي يهددنـي=اللى جعل للمشاعر طـوق
الاديب ابو عماد=
يا فارس القيـل تتعبنـى=ماكان لى عليـك حقـوق
أبنى على ما عليه تبنـى=وأرسم على لوحته منطوق
أشكلـه بالـذى تعـنـى=شفقان وأكثر عليك اشفوق
ما عمره الشوق يستثنـى=ولا الخواطر معاه تـروق
البندر=
هيا اسمعوا اخراقوالي=قـدام لاتقفلـون البـاب
لإنـه المنتـدى غـالـي=وموظفينـه لنـا احبـاب
فكره ومنطوقهـا حالـي=وكلا حسب للتوالي حساب
وفيكم عشم صار يبقالـي=بين الأحبه مافيه عتـاب
الاديب ابو عماد=
يـا عـز دايـم ورسمالـى=وش بعد هذا الخطاب اخطاب
أشوفـه الطيـب متـوالـى=منك وشوف المصافا طـاب
لكـن أبـا أجيـك بسآلـى=بأسباب ولا بـدون أسبـاب
رجواك والإسم فـى اقبالـى=المشكل اللى تناحى وغـاب
البندر=
تشريف قايد مسيراتنا=للملحمه يا امير الضاد
هو مُنانا وفرحتنا=ولا لكم راي يابو عماد
الاديب ابو عماد=
حظوظنا يـوم ودتنـا=تشريفنا بالسلام مـراد
وإن جابو الكاس لوجتنا=أفراح يا دارنا وأعيـاد
البندر=
مـادام سامـى لفرقتنـا=قايد ومشرف على الاعداد
الكاس بامره فى حوزتنا=رب الملا جامع الاشهـاد
الاديب ابوعماد=
يارب تسمع لدعوتنـا=يالله يامفـرح الأكبـاد
تعيد اللأفراح عادتنـا=الفوز والنصر والإنشاد
البندر=
سؤال للكل وابغى رد=يفيدني حسب معنايه
فن الصفا انتهى اوبعد=محفوظ باقي بلا نهايه
الاديب ابو عماد=
ليّا مع اللي سبقنـي مـد=جملة مكاتيـب وقرايـه
تراه ماهو مصافـا يـد=لو مااصتفى القلب والغايه
البندر=
حلاوة الروح جاته امس=واستبشروا كل احبابـه
لكن وربي حياخذ درس=ينسي الفرح فيه بمصابه
الاديب ابو عماد=
إن كان طلعت عليه الشمس=طيـب وراميـه ماصابـه
أعقد وصلي عليه الخمـس=وتعـوذ الله مـن انشابـه
البندر=
لك ود لو بوصفه مقـدر=عظيم ودي وفوق الوصف
سلام مـن ابنـك البنـدر=ياستاذ لاهل المثل والعرف
الاديب ابو عماد=
ترحيب يا مرحبا وأكثـر=مثل السحاب الذي لاصف
وهبهبت نسمته وأمطـر=وتمايلت بالغصون وحف
البندر=
جاني ردود المثـل مبهـر=ماعندنا شك حرفك حـرف
والان نبغى معـك نبحـر=لجلك علم فالنحو والصرف
الاديب ابو عماد=
من يمّكم هـات ماتأخـر=هات القلم والورق والظرف
أكتب وسلسل لنا المحضر=ومن يمّنـا بحثنـا ماكـف
البندر=
قلبي من الود مستنكـر=غريب امره وعقلي خف
دايم على الناس متجبر=مايعرف الطيبه والعطف
الاديب ابو عماد=
أنت بهذا الأمـر أخبـر=تستنكروا ليه لا تصخف
ظالـم وجبـار لاكـدر=وماتلتقي لا صفاك ألطف[/poem]
[align=center]هذا كل الذى دار بيني وبين العم الاديب الفاضل ومربي الاجيال استاذ الجميع واديب ينبع البحر الاستاذ طه محمد حسن بخيت حفظه الله وامد فى عمره ومتعه بالصحه والعافيه والى لقاء قريب مع اديب من ادباء المجالس الينبعاويه اخوكم البندوري[/align]