(( خـــــــــا صـــــــــــــــــــــــــــه ))

[البندر]

(1) شاعر الاجيال=
البعد ذوب حنين القرب=والقرب خلا الجفا طول
حتى كرهت الاكل والشرب=وعايش على ذكريات أول
البندر=
انا عجبنى الكلام العذب=ومن دقته خاطرى مول
من شرقها ردني للغرب=ومن طالعه صرت متهول
هذا الهوى ماغوى فالدرب=عمره عن الدرب ماحول
الود ضيع رسوم الحب=وجباله الراسيه صول
(2) البندر=
غبنا عن المنتدى شهرين=غبنا وعُدنا لحبايبنا
غبنا وجانا الكلام الزين=غبنا ولا ... كِنّنا غبنا
شاعر الاجيال=
لاغبت تبكي عليك العين = ولاجيت تحصل مكاسبنا
كأنها غيبتك عامين = مابعدكم شيء يعجبنا
(3) البندر=
بمناسبةعودة العملاق = أحمد عطا من بلاد النيل
ارفع علم فالسماء خفاق = وانثر له الورد بالإكليل
بالطيب ياعالى الآفاق=جعلت كل القلوب تميل
إن غبت ما للمثل مشراق = وإن جيت لأهل المثل قنديل
شاعر الاجيال=
سمعت عذب الكلام إنساق = من فارس القيل وأهل القيل
جاني وترجم لي الأشواق = مع نسمة الصبح تالي الليل
وأصبحت أكثر من المشتاق = الله من شاف دمعي سيل
تجاوز البر والأنفاق = تحت البحر والمسافة ميل
(4) البندر=
سؤال للكل وابغى رد=يفيدني حسب معنايه
فن الصفا انتهى اوبعد=محفوظ باقي بلا نهايه
شاعر الاجيال=
فن الصفا مايجي له سد=باقي ومرفوع له رايه
وإبناه عالي ولاينهد=عند الذى مالهم غايه
(5) البندر=
سلام من خاطرى ياعد=مادمت رايق ومتهني
ابغى اسألك واستمع للرد=ومايخيب فى مثلكم ظني
ماصار هذا الامر يسعد=ابكي غبن لو ضحك سني
لجل ايه كل ماقترب يبعد=وكل مابتعد يقترب مني
شاعر الاجيال=
ترحيب من قلب كله ود=للفارس اللى وصل فني
بمثابره واجتهاد وجد=فى مستوى مانقص عني
طبع الهوى فالرضا والصد=قبلك غبني وجنني
ياكم قصرا بنيته هد=ويفرح على بكاي ويغني
(6) البندر=
مين يدعي للمثل بداع=مايستتر فى ذرى مخلوق
بضاعة الغش ماتنباع=عند الذى يعرفون السوق
شاعر الاجيال=
يافارس القيـل والابـداع=امشى عدل واستقيم وروق
اللى لهم فالمعانـي بـاع=لاتسير لحسابهم محقـوق
البندر=
مثلى لاراع الادب منصاعاللى سحابه علينا يسوق
اما الذى يخلف الاطبـاع=مرافقه عندنـا مايلـوق
شاعر الاجيال=
الزرع من قـدرة الـزراع=يعطى الذى يجتهد مطبوق
لاشك فيك الامل ماضـاع=للمنفعه والاشايا وفـوق
وصحيح ان الذهب انواع=اثمانها عن بعضها تفوق
نجل الاسود السباع إسباع=ميقافهم للقلوب يشـوق
(7) البندر=
ياقاضي القيل كملك فين=الشوق آثر على فؤادي
لاابداعك الناس مشتاقين=طول غيابك عن النادي
شاعر الاجيال=
لو ما اعرف الناس مشغولين=هذا منى القلب ومرادي
انزلهم كل وقت وحين=ماغيب عن مركز ودادي
كل الذى غبتها شهرين=واشوف هذا الامر عادي
ولا يسجل علي دين=اوفيه لحان ميعادي
(8) شاعر الاجيال=
سلام وسمع جديد القيل=رده للااصحاب واخواني
نسايمه من ضفاف النيل=فى ظرف نايب عن لساني
صحاني الشوق نص الليل=يبكى عليكم وبكاني
كأنه البعد مية ميل=والنوم عيا ليهناني
كيف أنطلق من قوي الحيل=اللى إذا غبت ينساني
وأنا حياتى خطر فى ويل=عايش مع العالم الثاني
البندر=
ترحيب لاستاذ هذا الجيل=اللى بنهجه تبناني
معروف كانه الرقيب سهيل=اللى من الجو يبراني
حللتها المساله تحليل=من ذات فكرى ووجداني
لقيت نظم المعاني سيل=وحرك شجوني واشجاني
مارضى عليك العذاب تكيل=تشرب من المر وتعاني
من مثلكم نقبل التعديل=وانت حكم تردع الجاني


وغدا بامر الله اكمل ما بداته مع هذا العملاق الغائب الحاضر فى قلوبنا شاعر الماضى والحاضر شاعر الاجيال العم احمد عطا قاضي

[القالط]

اخي الغالي فارس الكسره انها درر بحق
تحمل كل معاني الابداع والكمال
سلم لي على شاعر الاجيال ابو تاج
متعه الله ومتعك بالصحه والعافيه
وله مني محبه لااريد ردا
يامهتني في سماك الناس = تمطر وتشرب من اقوالك
ياراس ماتلحقه اجناس = الكل مفتون بافعالك

[البندر]

(9) شاعر الاجيال=
إستقبلوا نسمـة الباحـة=بعد العصر مع هبوب الريح
رده ومـقـدار وفـراحـة=معطرة من زهور الشيـح
لاتحسبوا القلب في راحـة=مخطوف دمه من التجريح
من ود جابه على الساحـة=للقطع مثل اليتيم يصيـح
البندر=
من بُعد والعيـن نواحـه=قريتـه القيـل والتلميـح
وبشواق قررت وسباحـه=اجيك واعبر غزير البيـح
ومادامت الروح سواحـه=فالود هي اسمع التصريح
لاطب ينفـع ولا جراحـه=غير الدعاء واكثر التسبيح
(10) شاعر الاجيال=
يافارس القيل أسمك لك=بالفوز حققت مركازه
الكل يشهد على قولك=للاان قبلك محد حازه
البندر=
فالقيـل ماعندنـا مثلـك=اسمي تسببت فى انجازه
أهل الادب كلهـم حولـك=وانت على قمـة جهـازه
(11) شاعر الاجيال=
أهل الهوى فين مرجعهم=ظلم المحبين كيف يكون
لإن زادت مدامـعـهـم=حتى الذى شافهم محزون
البندر=
اهل الهوى من طبايعهـم=يشكون فالود ويودون
يسرهم لابقى معهـم=ولانه بعد عنهم يبكون
(12) البندر=
سؤال لاهل الفكر والعلم=والكل يدلي بتفسيـره
الحب ماله سبب فالظلم=ولا منه والسبب غيره
شاعر الاجيال=
الحب فالمعركه والسلـم=معروف جوده وتقصيـره
لو كان راعي سبب مايهم=تلقى فالاحساس تقديـره
(13) البندر=
قدام ابني اسـاس السـاس=سـلام للـى لنـا نـاسـي
يامن حروفه ذهب والمـاس=ودايم ردوده علـى راسـي
جيت اشتكيلك امر حسـاس=من حرقته ضاقت انفاسـي
لجل ايش اشرب مرار الكاس=عكس الذى قدمـه كاسـي
شاعر الاجيال=
يامرحبـا والبنـا لابـاس=مازاد عن مستوى ساسـي
لجلك معي مثل بعض الناس=حسب الموازين فى احساسي
الوقـت والـود ماينقـاس=والمر ماهـو امـر قاسـي
داريه واشرب منه بقيـاس=قبلـك شربنـاه مايـاسـي
(14) البندر=
هموم قلبي تجي وتـروح=مع نسمة الصبح والمغرب
الصبح اصبح بها مجروح=ووقت المساء نارها تلهب
شاعر الاجيال=
الود لنه سكن في روح=في بدايته بالنغم يطرب
نسايمه بالعبير يفوح=ومقابله فاللقاء يعجب
ون غاب عقّب ألم وجروح=مايفيد فيه الدواء والطب
إن ماضمير الهوى مصلوح=ماتنول من جانبه مكسب
(15) شاعر الاجيال=
لاباس والكل يدعي لك = بعنايته ربنا يحميك
منبر للأخلاق ويديمك = ويحفظك دايم ويبارك فيك
البندر=
فالقيـل يازيـن تعبـيـرك=يمشى معك حسب مايرضيك
الهـم غـادر بتصويـرك=والشـر ياعمنـا مايجيـك
(16) البدر=
سلام ياحضرة الدكتـور=يامن بحسن المعانى جاد
لجلك علم فالبلد مشهور=ياعـد ياقايـد الـرواد
هيا أستمع طالع المنشور=اللى عليه المثـل ينقـاد
وافى ودايم يجينى قصور=من الذى يخلف الميعـاد
شاعر الاجيال=
ترحيب للصاحب المبرور=اللي بجهده وصل للمـاد
ولابوه بالمنطق المسطور=أستاذ للحاضـره والبـاد
الكل هذا الشهر معـذور=ومقبول فيه الوعد لو زاد
بدايتـه للخلايـق نـورو=نهايتـه كلهـا أعيـاد
(17) البندر=
مايوم شكيت فى حبك=واليوم زادت محبتكم
يللى الوفاء دايما دربك=والطيبه دوم مصدركم
شاعر الاجيال=
آنا عجبني صفا قلبك = وآبوك أسس مودتكم
وطمّعني الطيب في قربك = وأسلوب ربعك وعادتكم

وغدا بامر الله اكمل ما بداته مع هذا العملاق الغائب الحاضر فى قلوبنا شاعر الماضى والحاضر شاعر الاجيال العم احمد عطا قاضي[/align]

[البندر]

البندر=
مين يدعي للمثل بداع=مايستتر فى ذرى مخلوق
بضاعة الغش ماتنباع=عند الذى يعرفون السوق
شاعر الاجيال=
يافارس القيـل والابـداع=امشى عدل واستقيم وروق
اللى لهم فالمعانـي بـاع=لاتسير لحسابهم محقـوق
البندر=
مثلى لاراع الادب منصاع=اللى سحابه علينا يسوق
اما الذى يخلف الاطبـاع=مرافقه عندنـا مايلـوق
شاعر الاجيال=
الزرع من قـدرة الـزراع=يعطى الذى يجتهد مطبوق
لاشك فيك الامل ماضـاع=للمنفعه والاشايا وفـوق
وصحيح ان الذهب انواع=اثمانها عن بعضها تفوق
نجل الاسود السباع إسباع=ميقافهم للقلوب يشـوق
ويصحابنا سمحونا=

شاعر الاجيال=
ابغاك تسمع خبر منقـول=عن مسأله والخبر عاجـل
سريع واصل على المحمول=مع حي قالوا عنه فاضـل
البندر=
هات الخبر والمثل مقبول=ارجوك قلى عن القايـل
ليكون هذا الخبر محلول=ماهو على الجاده مايـل
شاعر الاجيال=
إن كنت فارس حسب ماتقول=ابغى اسألك والامـر ساهـل
اما عليـك الاسـم معقـول=ولا اقلـك مـا تستـاهـل
البندر=
قدام شرح الكلام يطول=منته بهذا الامر جاهل
مادام مانى عنه مسؤل=ماكنت اعلم من السائل
شاعر الاجيال=
لاتبعد القيل هات حلول=فى رد يكسب به العاقل
ولامبرر منه مدلـول=مافيه ناقد ولا مجامل
البندر=
عندك خبر فأول المرسول=اسباب كل الذى حاصـل
لجنة حكم والشهود عدول=وانا بمـا تحكمـه قابـل
شاعر الاجيال=
الان بان الذى مجهـول=ياللى طلبت العُلا واصل
المرء ان ماجتهد ماينول=مراكـز العـز بالكامـل
البندر=
تدوم يارمزنا وكمـول=كلا كسب جمك الهايل
يامجد ياجامعه ياعقول=ياعد للمعرفه شامـل
وغيره يصحاب غيره=

اللحن الثاني=
البندر=
فالقيل تبني على الميزان=بني المعلـم علـى يـده
ياصرح لااهل المثل وكيان =ماحي فينا وصـل حـده
شاعر الاجيال=
رجال قبلي بنوا بنيان=معروف قمه قوي سده
علوه بمثابره واتقان=لو جاله السيل ماهده
البندر=
ابغى اشتكي واسمع اللى كان=فالقيـل منـك استمـع رده
مظلوم قلبي مـن الحرمـان=من حي عنـى سحـب وده
شاعر الاجيال=
ماشوف للمدعي برهـان=واضح على حسب مايعده
حتى الحكم يلزم الغلطان=مانقول ظالم وقف ضده
البندر=
بعده على خاطري ماهان=زود هبوب الشـرو مـده
اسعى وخايف من الشعبان=والموج يم الخطـر شـده
شاعر الاجيال=
هذا الهوى والهوى له شان=سلطان ظالم قـوي صـده
علاجه التـرك والنسيـان=والصبـر للمـرء لابــده
وغيره يصحاب غيره=

اللحن الثالث=
شاعر الاجيال=
عن ماضى الانس والافراح=اسألك ليت الاجابه خيـر
عما نشاهد محـد مرتـاح=يكفي تاريخ الزمن تزوير
البندر=
اللى مضى فالزمن ماراح=ولو راح باقي عنه تقرير
غير الذى ماكسب ارباح=هو الذى سبـب التغيـر
شاعر الاجيال=
بعض المواضيع ماتنباح=سوا الخصم فالخفا تدبير
واللى كشف خطته نباح=جهده نفذ والجمال تسير
البندر=
ياعم اهل السماح امـلاح=وراعى العفو يكسب التقدير
ادعي للااجيال بالاصـلاح=مادمت قاضي لهم ومديـر
وغيره يصحاب غيره=

اللحن الرابع=
البندر=
مالك امل مهجتي والانس=حطـم فـؤادي وبكانـي
وانا احطم جيوش الفرس=واحطم الـروم بمكانـي
شاعر الاجيال=
الود تـوه بدالـك امـس=وانا من سنين شاجانـي
داريه واترك غرور النفس=انته على روحك الجانـي
البندر=
كنت انتظر جابتك بالهمس=عكرت صفوي ووجدانـي
ضيعت كل المعاني مرس=ماهو جهل منك بالعانـي
شاعر الاجيال=
والله رب الفروض الخمس=لو ماانت واحد من اخواني
لاالقنك فى حياتـك درس=يامدعـي عنتـر الثانـي
وانكسر اللحن=
ويصحابنا سمحونا=

البندر=
اخترت اعذب حروف الحُب=وارسلتها لك فى باقه
فيها معاني تسُر القلب=لإنها الروح مشتاقه
شاعر الاجيال=
إنته وانا مانسيب الدرب=اللى للااجداد سباقه
مدام فيها لنا مكسب=نمشي على النهج والساقه

هذا كل مادار بيني وبين العملاق الشاعر الغائب الحاضر فى قلوبنا شاعر الماضي والحاضر وشاعر الاجيال العم احمد عطا قاضي حفظه الله اين ماكان وارجعه الله الى ينبع الحب بكل صحه وعافيه فى الحلقه القادمه مع شاعرنا العملاق العم احمد الدبيش وهنا فى هذه الصفحه بامر الله [/align]

[البندر]

البندر=
مين يدعي للمثل بـداع=مايستتر فى ذرى مخلوق
بضاعة الغش ماتنبـاع=عند الذى يعرفون السوق
العم احمد الدبيش=
قلت الحقيقه بـدون خـداع=وحطيت يدّك مكان العـوق
من كان يفزع معـه فـزاع=كرته في سوق المثل محروق
العم احمد الدبيش=
أبغى أسأل أهل المثل والعرف=عن حال موروثنـا الحالـي
بين المواريث ويـن يصـف=اللي على مستـوى عالـي
البندر=
منى إجابه حسب معرف=يامن لكم قدر واجلالـي
موروثنا حيد ما يضعف=عالي وفقلوبنا غالـي
البندر=
ياجامعه علمت أجيال=قن الادب والمثل والطيب
سلام لو كاله الكيال=مايعادله شي مهما يجيب
منى استمع قصة الخيال=اللى على خاطرى مايغيب
الطرف من حيرته ميال=والقلب من هاجسه مايطيب
العم احمد الدبيش=
هذا الأدب والكـلام العـال=يستاهل الفوز والترحيـب
حيّاك طيب النبـا والفـال=يابرنجي الصف فالترتيـب
للكل فيمـا عشـق مـوال=مايشوف غيره من التطريب
ويبقى الرضا مبلغ الآمـال=واقصر مسافات للتقريـب
البندر=
سلام فى مبتدا الحاني=للشاعر الملهم الامجد
وبعد السلام إسمع اغصاني=يامن لكم فى خفوقي ود
مالك فؤادى واشجاني=عدا ومد النظر من بعد
ومن قبل اناديه ناداني=ومن فرحتى ماقدرت ارد
تحير النطق فى لساني=يوم النظر صار ند إبند
محتار والوقت ممداني=ارد او ازهمه ويرد
العم احمد الدبيش=
ماني عن الـرد متوانـي=للي حدرعن غرامـه ورد
ترحيب من عمق وجداني=والآن جاك الحكم فالرصد
ذا شي عادي فالإنسانـي=من زود حال الوله والوجد
لاصادف الـود ولهانـي=يجعل جميع الحواس بلند
لا تعتبـر ذاتكـم جانـي=اللي حصل لك بلا مقصد
وان شفت مودودكم ثانـي=العذر بين الأحبـه يسـد
البندر=
لجلك فى بحر الادب عملاق=وللطيب طيـب وعملاقـى
سلام صادر من الاعمـاق=يامـن لكـم ود فاعماقـى
اشكى لك الشوق والاشواق=واللى حصلى من اشواقـى
مع اتساع الافق بى ضـاق=والقلب مما حصل ضاقـى
العم احمد الدبيش=
ترحيب ياراقي الأخـلاق=ياللي عليك الأدب لاقـي
منهج ويرقى بك الآفـاق=ويبقى مادام الزمن باقي
ماحد يلوم الذي مشتاق=دايم مع الذات في سباقي
والصبر مالك عنه مدراق=مهما تعانيـه وتلاقـي




هذا كل الذى دار بيني وبين الهرم العم العملاق اسطورة الكسره العم احمد الدبيش حفظه الله وامده بالصحه والعافيه وغدا بامر الله لنا لقاء مع هرم اخر من اهرام الكسره

[البندر]

[poem=font="Simplified Arabic,6,white,bold,italic" bkcolor="firebrick" bkimage="" border="groove,10,sandybrown" type=0 line=0 align=center use=ex num="0,black"]
البنك=
ميزان عقلك رفع قيمتك = وطاف الفضا والبحر والبر
ون زار روحي صدى كلمتك = يشفي الألم والكسر يجبر
الناس من حبكم سمّتك = السبع ونت بها أخبر
ومن حبنا الآن متّهمتك = بإسمي رغم إسمكم أكبر
البندر=
دايم مع اصحابنا نذكرك=بالطيب والعرف وانت اجدر
ولانك شرف يتهمونى بك=وانت الذى فالحقيقه اقدر
ياعد ياغرس من قبلك=ابوك للطيبه مصدر
وانت مع الطيب مين قدك=لك سر ما اقدر عنه اجهر
البنك=
يقولك البنك يالبندر = ودك لدى البنك ماله حدود
لك قلب طيب قوي واخضر= والفن ساسه قديم جدود
البندر=
انا من البنك متشكِّر=الود نعمه من المعبود
ودى انا اكثر واكثر=زايد وعندى كثير شهود
والان بحرر المحضر=يامن بطيبه علينا يسود
ابوك قبلك وجدك حر=اهل الشيم والكرم والجود
البنك=
يامترجم الحرف مرجعنا = منكم كسب جائزة ووسام
مطلوب تسمح وتسمعنا = من جد لاتحسبه أحلام
همومه الليل تجمعنا = تأثير من ماضي الأيام
إن غاب هلت مدامعنا = ون عاد عادت جروح العام
البندر=
يامن بطيبه يطمعنا=وفطيبته دائما قدام
ودائم بالامثال يقنعنا=ولاله شراكه مع الظلام
قيلك لنا اليوم روعنا=وخلى اخوك الشقى منظام
وضـح لنـا خافـى المعنـا=حتـى يسيـر المثـل بنظـام
البنك=
يابندر الطيب من يدّك = زرعه نما في أراضي سبع
والسبـع قبلـك إسـم جـدّك=ماهو غريـب الوفـا والطبـع
البندر=
الطيب من بعض ماعندك=مربح كسبناه وانت النبع
ولاشك اجدادكم قبلك=للطيبه كلهم يفزع
البندر=
لولا الادب كـان لقنتـه=دروس قن المجالس كيف
لكن وفـاء لـه قدرتـه=الصاحب اللى اتيته ضيف
البنك=
هيـا إستـمـع ماتعلمـتـه=في مْجالس اهل القرى والخيف
البعـض ماأروعـه صمـتـه=والبعض تسمع علومه زيـف
أمــا إذا جـيـت كلمـتـه=تلقـاه ماهـو كحـد السيـف
واضـح تصـرفـك كرمـتـه=ياسبع سيبك ... سحابة صيف
البنك=
لك كشف فالمنتدى وأسهم = فالبنك مقدارها مليار
يابندر الطيب يرأسهم = رسمالها بالبنان يشار
البندر=
جتنى دورر صاغها ملهم=معدود من خيرةالاخيار
ومن قوله العذب كل الهم=انزاح وارتاحت الافكار
[/poem]
[align=center]وهنا ارسلت له كسرتين لم يرد عليها ولكننى لازلت احتفظ بها[/align]
[poem=font="Simplified Arabic,6,white,bold,italic" bkcolor="firebrick" bkimage="" border="groove,10,sandybrown" type=0 line=0 align=center use=ex num="0,black"]
الاولى=
والله يالبنك لو تعلم=مقدار حبك فى قلبي كم
ماكان تتركنى اتألم=وتزيد همى وهمى هم
يابنك من دون مااتكلم=فزعتك عنى تزيل الغم
والعطف من شيمة المسلم=ولاانت ناسيه يابن العم
وهذه اخرى=
لو يوم تبعد عن النـادى=فى قياسنا بعدكم عاميـن
يابنـك كلاتنـا ننـادى=وينك عن المنتدى شهرين
[/poem]
[align=center]هذا كل الذى دار بيني وبين البنك قدس الله سره وادام ظله فى منتدى المجالس الينبعاويه حفظ الله البنك من كل شر وغدا بامر الله مع احد عمالقة الادب فى منتدانا الغالي[/align]

[البندر]

[poem=font="Simplified Arabic,6,#F1F1F0,normal,italic" bkcolor="#E23D79" bkimage="" border="ridge,6,#4EE509" type=0 line=0 align=center use=ex num="0,#400000"]
البندر=
عُينت فارس لها الكسره=وعينوني رجال ثقـات
اللى لهم فالمثل خبـره=ورصيد فى قلبنا والذات
رمز الادب=
من واقـع جهـود معتبـره=عطفا على انتاجك اللي فـات
والله استحقيـت للشـهـره=فارس ياايمن على الكسـرات
واللي الحسد موغر في صدره=حاول يقلـل مـن القـالات
راح انتهـى ليلـة السهـره=من نار تشعل بصدره مـات
البندر=
ياقايـد القيـل ربـانـه=يامدرسه للاادب تجمـع
سلام فى مبتـدا الحانـه=وبعد السلامات هي إسمع
طافت على قلبي اشجانه=واشجانها زادت المدمـع
والرفق لاانه انوجد زانه=ارفق ولاتزيد دمعى دمع
رمز الادب=
بدايـع القيـل عنوانـه=شاعرمن المستوى الارفع
ترحيب غنت لك اغصانه=جواب منا كمـا تطمـع
ممكن امنيك فـي شانـه=واعطيك فرصة امل اوسع
لكن شجا القلب حرمانـه=غير اللقا شىء ماينفـع
البندر=
سلام يالشاعر العمـلاق=من روح تهواك ومـوده
جيتك بعد صبر ماينطاق=ابغى الرخا يخلف الشده
هل تنطفي نار للمشتاق=لاعاد خلـه بعـد مـده
حتى دموع الفرح تنساق=عند المقابل مع الـرده
رمز الادب=
ترحيب ومترجمه خفـاق=ومعطره من سماء جـده
ياشاعر الذوق والاخـلاق=يانفس بالطيـب معتـده
مادام رق الخليـل وراق=ومأمـل يكـون لـه رده
دمع الفرح يروي الاشواق=اول مايقبل على السـده
رمز الادب=
الله يالـحـب لانــه جـــاك=بيـن المخالـيـق متـبـادل
هذاك قلبه علـى هـذاك=نحيا وسط مجتمع فاضل
البندر=
قبل الاحاسيس ربي اعطاك=قـن الادب فيـك متكامـل
والحـب مااجملـه ويـاك=لجل الوفا فيـك متأصـل
البندر=
سلام وبـورود أرفقتـه=بالعود ومعطره تعطيـر
للى كلامه ذهب شفتـه=ومعناه لايق وله تعبيـر
رسول الاشواق كلفتـه=على عجل للحبيب يطير
جانى وقلى ماهو وقتـه=بعدين ارفعلك التقريـر
رمز الادب=
يامن بالاحداق سكنتـه=ترحيب مثل الشعاع منير
من قلب للقلب حررتـه=ياصلك يانيـر التفكيـر
اللي على السـر امنتـه=وجعلت منه رسول مشير
واصل معه لين خاتمتـه=وقرر بعد ناتج التحريـر
البدر=
سؤال للكل وابغى رد=يفيدني حسب معنايه
فن الصفا انتهى اوبعد=محفوظ باقي بلا نهايه
رمز الادب=
من رام ورد الصفـا يعتـد=باللي لهـم علـم ودرايـه
مهما اعترض للصفا من ضد=مايهـاب ويسلـم الـرايـه
رمز الادب=
لوكان بقيت باقـي شـيء=من بِر في يـوم يشفعلـك
في دنيتك شوف وانت حي=نفس الجزاء جا ك من فعلك
البندر=
دايم كلامك حِكم ياخي=الكل فالراي يرجعلك
معدود فالمنطقه كالفـي=لاغابت الشمس تطلعلك
رمز الادب=
سلام ياعزوة الاحبـاب=جينا على خير شفناكـم
والان بعد السفر وغياب=القلب مرتاح في حماكم
البندر=
ترحيب ماله عدد وحساب=ياللى على الطيب مسعاكم
الود بيناتنا لو غاب=فى بالـنـا دوم طريـاكـم
البندر=
كلمة احبك تزيل همـوم=لوكانت جبـال تهدمهـا
كنت انتظرها تجينى يوم=واليوم جتنـى هبايبهـا
جاه الفرج قلبي المحروم=والروح عادت عوايدهـا
منلام ومنه علي يلـوم=ماراح فيـوم يسمعهـا
رمز الادب=
الله يـالـحـب لـــه مـفـهــوم=فـي داخـل الـروح يحكمـهـا
تحيا انتعاشـه قـدر مايـدوم=وتعيـل لـو كــان خاصمـهـا
حظك وجـاك الـذي مقسـوم=متع هوى الـروح واغنمهـا
ولو شفت حايم عليك يحوم=عـقــل رجـولــه وقصـمـهـا
البندر=
ماقول غير الذى قاله=ذا صف قايد عليه شملول
تقدير جاله من ارجاله=ورجال حوله وفاء وكمول
رمز الادب=
يوم اقبل الطيب فاقباله = وحسبت للطيبين وصول
حاز الوفا فيك منزاله = وانت الوفاء باسمكم مشمول
البندر=
ابغى وعد منك يادكتور=ياذايع الصيت ياملهم
لاجيت ينبع وجيت الدور=تشرفه دارنا ياعم
رمز الادب=
ما منك يالبندري مخبور=وانا بذات الأمر مهتم
لا زان ظرفي أجي مسرور=واحظى بشرف دارك الأكرم
البندر=
كلاتنا قلبنا مكسور=ومم حصل قلبنا منغم
واللى رحل عننا مأجور=وجنة الخلد له مغنم
رمز الادب=
تسلم على موقفك مشكور=من دون تكتب وتتكلم
سُجل لك الموقف المبرور=ومن كان حاضر معك يسلم
حكم القدر نافذ ومقرور= والله فيما قضى يعلم
لو الحشاء داخله مفطور=غير الصبر مالقيت اسلم
البندر=
عبر المجالس اهنيكـم=واقولكم كل عام بخيـر
ومن قلب صافى اناجيكم=ياللى لكم عندنا تقديـر
رمز الادب=
جيتك مهنـي واحييكـم=واكتب لكم اجمل التعبير
ياشهـم بيضـا اياديكـم=ومسعاك دايم فدرب الخير
البندر=
لى حق أزعل واقول الحق=منك حقيقه أنـا زعـلان
عذرك لمسته وقلت محق=وفالاخره اطلع الغلطـان
رمز الادب=
الحـق خـلاك تستنـطـق=في غصن من اروع الاغصان
ولا تعق منه جنابـك عـق=دامك قبلت العـذر كسبـان
البندر=
على قناة الجزيره شفـت=مكسره خاطـرى تكسيـر
قالوا لها ويش جرى ياخت=قالـت مايبغلهـا تفسيـر
كل حي فقد له ابن او بنت=او اخ او اخت فالتقريـر
وانا فقدت الـذى لاقلـت=يامى يابويه يقولوا خيـر
رمز الادب=
والله يابنـدر اتبرجـلـت=من هول مانشاهده ويصير
مقسـم وبالله متـاخـرت=لو قالوا هيا الجهاد نطيـر
وش ينفع الحزن وسط النت=لاحـل بايـن ولا تدبـيـر
ياليت كنت انتهيـت ومـت=ولا شوف مايفعل الخنزيـر
نحيـا مهانـه وذل وزفـت=ونصن حتى عـن التعبيـر
ياناس حلوا قيود الصمـت=ماعاد يبقـى لكـم تبريـر
ياخـوف لمـا يزيدالكبـت=بركان يصبح يهـد الديـر
والنـار تحـرق اذا شبـت=كل الذي فالطريـق يسيـر
البندر=
بالامس شوفنا كلام الجد=والحق قاله وغيره محال
انك فى بحر المعانى ند=ربان لاشتدت الاحـوال
رمز الادب=
معكم على ماتقول اشهد=موقف وحازم من العقال
وانا كفو للمحانـك ورد=والند يهوى النديد العال
البندر=
الكل يبغى هذاك العهد=يعود وتعـود الامـال
نبغى هذاك الكلام الشهد=لاحان وقت اللقاء ينقال
رمز الادب=
مايختلف في معينـه عـد=تنهل مراويه مـن شـلال
ولاجاتني دعـوة المعتـد=تسمع صدى شاجي الامثال
البندر=
انظر معى واستمـع للـرد=واسمع كلام العليل ايش قال
رغم الحذر رغم ذاك البعد=اصبحت فى حوزة المحتال
رمز الادب
مادام مالك اسيه ويـد=فيما جرى والحذر لازال
لايحز في نسفك المشهد=ريح وخلك قرير البـال
البندر=
نبغى هزيل المعانى يشـد=وفالصابيه نستشف العـال
قدام صرح المثـل ينهـد=اللى ابنى من سنين طوال
رمز الادب=
ماكان وضع السمان يعد=لو ماظهرفالحديث هزال
ومن قارن الغث بالعسجد=عليه ياقع وزر ماطـال
واللي تسنم عنان المجد=في موقعه ماعليه جـدال
والصرح لازال ومشيـد=صامد ولا يهزه الزلزال
البندر=
ضو النظر اعلن غيابـه=وانا مع الشوف فى مآساه
كيف اقنع الطرف فمصابه=والعين متحريـه رؤيـاه
رمز الادب=
مايحجب الطرف حجابه=يبقى دليل الفؤاد معـاه
بصيرة المـرء تقدابـه=عن البصر تستحث خطاه
البندر=
وضعت بالطيب أجمل ساس=للناس واحنا عليـه نسيـر
وابغى اعايدك قبل النـاس=واقول كل عام وانت بخير
رمز الادب=
انتم لوكب الزعامه راس=بالطيب والقن والتقديـر
وانا ابادلك بالاحسـاس=مع تهنئه باصدق التعبير
رمز الادب=
العيد فرحة عمر شفنـاه=بوجودكم قبل يوم العيد
واهني الكل قبـل القـاه=وان عشت اهنيه بالتاكيد
البندر=
كل عام وانته بعز وجاه=وبخير ياسيدي ياجيـد
هذا الذى نطلبه والله=لجلك عن الطيبه ماتحيد
البندر=
بحضوركم عندنا وعنده =ياهل الوفاء اسعد اللحظات
ورمز الادب كلنا جنده = ورفاقته زيهم هيهات
رمز الادب=
نسال عسى ربنـا يمـده=بالعمر ونكـرر الجيـات
ونظل نذكـر نـدى يـده=في معجم الطيب والفزعات
البندر=
مايوم فكـرت يجرحنـى = لجل المبادئ لها تقديـر
بالامس ياعد احرجنـى = ومثلى على منهجه مايدير
رمز الادب=
قلـه تعالـى وصارحنـي = نبغى لذاك الخطـأ تفسيـر
عطني الحقيقـه وريحنـي = مايصير تهضم حقوق الغير
البندر=
ناديـت لكـن مايسمعنـى = الحق صورته له تصويـر
مغرور مو راضى يفهمنى = صار الذى صار كيف يصير
رمز الادب=
اللي على الحق يستجني = لاعذر لالـه ولاتبريـر
ان جاز ماقلت ؟صدقنـي =عمر المكابرماياتي بخير
البندر=
منطقك منطـق معذبنـى = ودى اشوفه بموقف غير
احيان يااستاذ يعجبنـى = واحيان القى منه تعكيـر
رمز الادب=
منطق لسانك لاتنشبني = يقول مخلف لخط السير
واللي للاصلاح متمني = يلقى مع المشتري تدبير
البندر=
حاولت بارمز صدقنى = أوقات أوجد له التبرير
لكن حقيقـه مقدرنـى = خان العهد خانه التفكير
رمز الادب=
سجل عن السابق المعني = اخر إجابه عليـك نشيـر
لاتضيق الذات طاوعنـي = مثلك فهذا الامر مايحيـر
ان ماعدل وضعه االمظني = لاتوهم النفـس بالتخديـر
عن موقفه كون مستغنـي = واوقف معه لاحوج التنوير
البندر=
طورته الحرف فـى ناديـك=واخذت حسبي مثلى غيـري
وان جيت للحق وابغى اوفيك=ماوفيـك حقـك فتعبيـري
رمز الادب=
اهنـي الـكـل واهنـيـك=مخصوص في نص تحريري
رد الجميله علـى مغليـك=يزيدك غلا حسب تصويري
البندر=
قبل الشعر بالادب يحكون=اللى لهم فالمعاني شـان
وقله الذى فالمثل يفتـون=وانت على راسهم ربـان
وين راح قلى ابومدهـون=وفين المثمن وابوشعبان
عسى الاجابه تجى ويكون=ردك لهم درس بالمجـان
رمز الادب=
ذكرتني من سبق ممنـون=كانوا قلم لـلادب ولسـان
الشعر ذوق وادب وفنـون=واخلاق يسمو بها الوجدان
وماينكتب يعتبـرمرهـون=بشيمه وشاهد على الانسان
اما عليه العـرب يثنـون=لاقيـل ولا عليـه يــدان
البندر=
لى عام مانامت عيوني=وغيرنا بالهنـا نايـم
والناس دايم يلومونـي=كيف ابتعد واقنع اللايم
احبهـم مايحبـونـي=اللى على خاطرى دايم
مافيه قبلى ولا دونـي=لى قلب فى حبهم هايم
رمز الادب=
حركت شجوي مع غصوني=في مشتكى الواقع القايـم
ومابين حرفك ومكنونـي=لازال قكري معـك حايـم
لاتقول بالغصـب حبونـي=يزيد فـي صـده الزايـم
داري هوى القلب بالهوني=ولا تسوم حبك على سايم
رمز الادب=
لو شفت مالي حروف وصيت=القلب ماهـو حكـم ايـدي
متنا سوا فـارق التوقيـت=قبلي غشاه الثـرى سيـدي
البندر=
اقسمت بالله مافى بيـت=اللى مازاره اسئ يكيدي
والراحل اسال له التثبيت=فى جنة الخلد مايحيـدي [/poem]
[align=center]
هذا كل الذى دار مع رمز الادب وقايد صف املج الاستاذ القدير والمربي الفاضل الشاعر الاديب العم محمود عزازي ابو فياض متعه الله بالصحه والعافيه وامد فى عمره غدا بامر الله مع اديب اخر ومربي فاضل دمتم بكل الود ابنكم البندوري[/align]

[البندر]

اخي الغالي فارس الكسره انها درر بحق
تحمل كل معاني الابداع والكمال
سلم لي على شاعر الاجيال ابو تاج
متعه الله ومتعك بالصحه والعافيه
وله مني محبه لااريد ردا[poem=font="Simplified Arabic,7,#FFFF00,bold,italic" bkcolor="#20200C" bkimage="" border="double,4,#1F1F10" type=0 line=0 align=center use=ex num="0,#400000"]
يامهتني في سماك الناس = تمطر وتشرب من اقوالك
ياراس ماتلحقه اجناس = الكل مفتون بافعالك[/poem]ك

[align=center]استاذى العزيز الشاعر الاديب ابو نواف
حاولت جاهدا ان اوصل سلامك لعمنا شاعر الاجيال
حيث مقر اقامته فى جمهورية مصر الشقيقه ولكن لسؤ الاتصالات
وانقطاعها لم اتمكن واوعدك فى اقرب فرصه سوف احاول الاتصال المهم تابع
هذه الصفحه فالك فيها نصيب الاسد فانتظر دمت بكل الود ابنك ومحبك وتلميذك البندوري [/align]

[ريبال]

[align=center]اخي الغالي فارس الكسره
بعيدا عن المجامله
انت بهذا تجبر المتذوق على التمعن والقراءه اكثر من مره
درر راقيه فيها من الدروس الشيء الكثير
تبقى عملاق شارك عمالقه في اخراج صور ومعاني ذات لون خاص
اسمح لي بأن اضعها في المفضله
تقبل تحياتي[/align]

[البندر]

[poem=font="Simplified Arabic,6,#EAEAEA,normal,italic" bkcolor="#FF00FE" bkimage="" border="ridge,5,#66A988" type=0 line=0 align=center use=ex num="0,#400000"]
البندر=
انا قبل لاحتـرم روحـي=احدها لإحتـرام النـاس
حتى الذى ينقض جروحي=اخفيه فى داخل الاحساس
الاديب ابو عماد=
مدّيت يـم المثـل شوحـي=رديت باللي قريتـه حـاس
لطيف عن حاجة شروحـي=طيب الفتى من جواد السّاس
البندر=
تقابلت فالطريق عيـون=ومن عادة العين جذابـه
السحر فى جفنها مكنون=والشوف يغنى عن الجابه
الاديب ابو عماد=
صدفه وماهى من المضمون=مناظـر الـدرب خلابـه
والعاقل اللى مشاها بهـون=النفـس تطمـح وهيـابـه
البندر=
ياشاعر الشـوق يسعدنـي=فالقيل ناخذ معك مايلـوق
وبنشـدك قـدام تنشدنـي=ياللى كلامك غـرام وذوق
لو !! ما اشوفه!!! يراودني=طيفه ويشعل لهيب الشوق
حتـى فمنامـي يهددنـي=اللى جعل للمشاعر طـوق
الاديب ابو عماد=
يا فارس القيـل تتعبنـى=ماكان لى عليـك حقـوق
أبنى على ما عليه تبنـى=وأرسم على لوحته منطوق
أشكلـه بالـذى تعـنـى=شفقان وأكثر عليك اشفوق
ما عمره الشوق يستثنـى=ولا الخواطر معاه تـروق
البندر=
هيا اسمعوا اخراقوالي=قـدام لاتقفلـون البـاب
لإنـه المنتـدى غـالـي=وموظفينـه لنـا احبـاب
فكره ومنطوقهـا حالـي=وكلا حسب للتوالي حساب
وفيكم عشم صار يبقالـي=بين الأحبه مافيه عتـاب
الاديب ابو عماد=
يـا عـز دايـم ورسمالـى=وش بعد هذا الخطاب اخطاب
أشوفـه الطيـب متـوالـى=منك وشوف المصافا طـاب
لكـن أبـا أجيـك بسآلـى=بأسباب ولا بـدون أسبـاب
رجواك والإسم فـى اقبالـى=المشكل اللى تناحى وغـاب
البندر=
تشريف قايد مسيراتنا=للملحمه يا امير الضاد
هو مُنانا وفرحتنا=ولا لكم راي يابو عماد
الاديب ابو عماد=
حظوظنا يـوم ودتنـا=تشريفنا بالسلام مـراد
وإن جابو الكاس لوجتنا=أفراح يا دارنا وأعيـاد
البندر=
مـادام سامـى لفرقتنـا=قايد ومشرف على الاعداد
الكاس بامره فى حوزتنا=رب الملا جامع الاشهـاد
الاديب ابوعماد=
يارب تسمع لدعوتنـا=يالله يامفـرح الأكبـاد
تعيد اللأفراح عادتنـا=الفوز والنصر والإنشاد
البندر=
سؤال للكل وابغى رد=يفيدني حسب معنايه
فن الصفا انتهى اوبعد=محفوظ باقي بلا نهايه
الاديب ابو عماد=
ليّا مع اللي سبقنـي مـد=جملة مكاتيـب وقرايـه
تراه ماهو مصافـا يـد=لو مااصتفى القلب والغايه
البندر=
حلاوة الروح جاته امس=واستبشروا كل احبابـه
لكن وربي حياخذ درس=ينسي الفرح فيه بمصابه
الاديب ابو عماد=
إن كان طلعت عليه الشمس=طيـب وراميـه ماصابـه
أعقد وصلي عليه الخمـس=وتعـوذ الله مـن انشابـه
البندر=
لك ود لو بوصفه مقـدر=عظيم ودي وفوق الوصف
سلام مـن ابنـك البنـدر=ياستاذ لاهل المثل والعرف
الاديب ابو عماد=
ترحيب يا مرحبا وأكثـر=مثل السحاب الذي لاصف
وهبهبت نسمته وأمطـر=وتمايلت بالغصون وحف
البندر=
جاني ردود المثـل مبهـر=ماعندنا شك حرفك حـرف
والان نبغى معـك نبحـر=لجلك علم فالنحو والصرف
الاديب ابو عماد=
من يمّكم هـات ماتأخـر=هات القلم والورق والظرف
أكتب وسلسل لنا المحضر=ومن يمّنـا بحثنـا ماكـف
البندر=
قلبي من الود مستنكـر=غريب امره وعقلي خف
دايم على الناس متجبر=مايعرف الطيبه والعطف
الاديب ابو عماد=
أنت بهذا الأمـر أخبـر=تستنكروا ليه لا تصخف
ظالـم وجبـار لاكـدر=وماتلتقي لا صفاك ألطف[/poem]
[align=center]هذا كل الذى دار بيني وبين العم الاديب الفاضل ومربي الاجيال استاذ الجميع واديب ينبع البحر الاستاذ طه محمد حسن بخيت حفظه الله وامد فى عمره ومتعه بالصحه والعافيه والى لقاء قريب مع اديب من ادباء المجالس الينبعاويه اخوكم البندوري[/align]

[فيصل معتوق الأحمدي]

[align=center]الاخ العزيز / البندر

متصفح غالي ونفيس ويستحق التثبيت ، تسلم على كل ما أوردته هنا

تحيتي وتقديري[/align]

[قادم من بعيد]

ابو عبدالله

متى دورنا

يالغالي