هذه من القصائد القديمة اللتي كتبها الشاعر حميد بن عوده الكشي - شفاه الله -
ومناسبتها أن الشيخ حمدان بن عواد الكشي -يرحمه الله - قد سافر آنذاك للولايات المتحدة الأمريكية للعلاج من مرض السرطان .

[poem=font="Simplified Arabic,6,#000000,normal,normal" bkcolor="" bkimage="" border="none,6,#400000" type=1 line=0 align=center use=ex num="0,#400000"]
يالله ياسامع ندا من ينادي = ياجاعل أيوبٍ من السقم يسلم
ياربنا ياللي عليك إعتمادي = ياكاشف الكربات يافارج الهم
أرجوك ثبّت فالبشاره فؤادي = بشفا المريض اللي علاجه من السم
اللي غذاء روحي وغاية مرادي = نهار أنا وياه والربع نلتم
في مجلسة ونصافحه بالأيادي = وتقر عين اللي دموعه من الدم
صبرت ياحمدان صبر المهادي = لعلني ما أبكيك ياسلالة العم
حمدان ياسيفن نهار الجهادي = ومن يحتزم فبوهليل مايهزم
متى نشوفك عندنا فالبلادي = ونقول يامحمد بدال السهر نم
وعوده فؤاده قر فوق الهوادي = يِغلا لكن في قدرة الرب ملهم
يصبر كما صبر الجمال الجيادي = الصبر من طبعه وله رأي محكم
وحنا هجرنا نومنا والرقادي = ومن لامنا بيته على أخوه يهدم
حمدان في رايه نكيد الأعادي = يالله لعل أبوهليل مايعدم
والراي راي المكتلف في العبادي = اللي يعلم الغيب والسر يعلم
وصلوا على المبعوث للخلق هادي = نور الهدا اللي نوّر الليل الأظلم [/poem]