من ديوان الشاعر الراحل : بندر بن سرور - يرحمه الله -

[المعلم]

من سار فالسكه وصل لآخر السيد
العبـد لابـد المنـايـا تصـيـده
تـرى المنايـا للبرايـا حواصيـد
والموت له مع كل نفـسٍ وعيـده
الرابح اللي من هل الخير وشْهِيـد
وادرك بحسن الخلق مرضاة سيده
حبلـه يـوّرد طيّبـات المواريـد
لا صار مع ربـه حبالـه جويـده
والحكم للي يبـدي الخلـق ويعيـد

هو ربنـا الواحـد وحنـا عبيـده

صح لسان الشاعر والله يغفر له ويغفر لموات المسلمين ,,,, آمين

[عطرالليل]

شكرا اخوي على القصيده الرائعه وانا انتظر جديدك من قصايد الشاعر بندر
واهديك هذه الابيات للشاعربندر عجبتني كثيرا
انحاس بالي يامحمد وصديت
من كثر الصدات قلت شطونه
ماني وانا بندر بهيت ولد هيت
هيت يجامل خمة يكرهونه
من كثر ماجربت واقبلت واقفيت
قولة هلا لمن لايودك مهونه
سلط على النصراني اللي لقا الزيت
لعل نبع الزيت يعمي عيونه
لاشك تحتاج المراجل شفاليت
تحتاج شي يقصر النذل دونه
عزم على الفرجه وقطع الخلا الميت
حتى عيال البوم مايقطعونه
ثلاث*من كل المعاني تنقيت
واللي بقى كل الملا يقدرونه
مابغى جزاهن غير من خالق البيت
عمالهن للناس ماينفعونه