[ALIGN=CENTER][/ALIGN]
[ALIGN=CENTER]كسرات قيلت بعد كسر لحن ليحان[/ALIGN]
[poet font="Simplified Arabic,4,darkblue,normal,normal" bkcolor="white" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أحمد الدبيش
مـقـدّر الطيب لاهـل الطيب = اللي أتـوا من قريب وبـعد
يبقى على بالنا ما يغيب = والطيب للطيبين يــرد
عايش الدميخي
يا قدوة أهل الأدب والعرف = يا مـن لعـذب المثل سادِن
يكفي حضورك في هذا الظرف = تسلم لنا يا أبـن مازن
الشريف بن هيلون
شوف المجالس في ينبع كيف= تنقل مع الصوت والصوره
القيل عاجل بلا تحريف= تقدم جهود مشكوره
عبد الرحمن الرحيلي
ما يردنا عن وفاهم شي = إلا سبب يقصر خطانا
نمشي لمن هو لنا يمشي = اللي تعنى لنا وجانا
سلطان رمضان
جينا نزف الهنا نشارك = ونمشي على العهد والسالف
لمحمد وهاشم نبارك = وألف تحية لأبـو نايف
صالح بركي
الليل قفا وجانا النور = وكلا على مركزه قـرّرْ
بحضوركم خاطري مسرور = نبغى الوفا شي متطوّر
[/poet]
[ALIGN=CENTER]لحـن ســلام
المشتكى من صف يـنبع النخـل[/ALIGN]
[poet font="Simplified Arabic,5,blue,normal,normal" bkcolor="sandybrown" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
نبغى الذي تحتريه الناس = يأتي على ما يودونـه
حتى الذي مرهف الإحساس = يلقى مواسى في مـكنونه
الرد من ينبع البحر
هات الذي قرر الجـلاس = وانا اسمع اللي تقولونـه
نعطيك من تجربه ومـراس = لا بان شرحه ومضمونه
ينبع النخل
المستمع فالصفا حساس = أدناة ما يحرك شجونه
لا صار قلبه عليه اقـواس = كيف السلاطين يغزونه
ينبع البحر
المـرء مهما قوي الباس = وزاد الحذر وادرك حصونه
تـزلزلـُه دقـة الأجراس = في دولش الود وفنونـه
ينبع النخل
قلوب تـعْست بسبة ناس= وقلوب تهنا وممنـونه
واللي بتعاسه من الجراس = ما يهتـني بنوم يهنونه
ينبع البحر
كثير مثلك من الأجناس = نوم العرب كم يرجونه
ومن كان عنده عقل فالراس = به يقتدي ما يقدوّنـه
ينبع النخل
على الحقيقة بنـيتُه ساس = وعـدّيت للي يـعدونه
لو عـس لي فالمثل عساس = يلقى معانيه في غصونه
ينبع البحر في آخر مردود
أعطيتك الحكم بالمقياس = واهـل المفاهيم يوحونه
مهما نصحنا حليف الياس = ما يقـنعه شي من دونـه
[/poet]
[ALIGN=CENTER]وانكسر هذا اللحن عند أذان الفجر[/ALIGN]
[ALIGN=CENTER][/ALIGN]