شاعرة تشكي الدين ( نص منشور في مجلة جواهر الاماراتية قبل شهور)

[وحيدة السعودية]

[poem=font="Simplified Arabic,5,#E9E9CB,bold,normal" bkcolor="#81201A" bkimage="" border="none,4,#400000" type=0 line=1 align=center use=sp num="0,#400000"]
يـارب مالـي سـواك آقـف علـى بابـه =يـامـن بكـايـه أمـامـه مــااا يعـرّيـنـي
كم من سترته وهو مـا تضفـي ثيابـه =وكم من فضحته وهـو رب الملايينـي
يـارازق الطيـر مـالـه غـيـر مخـلابـه =يسـرت رزقـه وهـو راع الجناحيـنـي
فـي هـدتـه مــا تـعـدد عـنـده اربـابـه =لـه رب واحـد ولـو للنـاس عشرينـي
النـاس ياكـثـر مــن ترجـيـه وتهـابـه =تظـن بــه خـيـر وإلا تـدفـع الشيـنـي
مـا شفتهـم عنـد منهـو طـال مرقابـه =رزت صورهم على خشوم الميادينـي
وما شفتهم عند منهـو تدمـي حرابـه =تحمـل الجـور مـن ورع السلاطيـنـي
هــذا زمــانٍ يــدوس الـحـر بركـابـه =وإن كان لـه جـم عـدٍ يستـوي طينـي
وإن فات حظه وهو مـا بـوّس ترابـه =عـدى الطويلـه وقـال الليـل ممسينـي
فيـه الجهـل عـم حتـى روس شيّـابـه =ويـا كـم بـه شايـبٍ مثـل الوراعيـنـي
مــا عــاد تـفـرق بداويـنـه وبنجـابـه =كـلٍ ليـا عـد جــده قــال أنــا جهيـنـي
والمـال مــال لْهفـايـا مــا بـهـا ثـابـه =تجمـع حرامـه وتربـي مبطـي الدينـي
مـا هـم مزكيـن روس المـال واذنابـه =يبـون طـلـعٍ كـمـا روس الشياطيـنـي
والمال سيلٍ تشوف الحضـر بشعابـه =ويحرم قراحه علـى ِشعـب البداوينـي
يــارب ناصـيـك ذل وقـلّـت أحـزابــه =ماله مـن النـاس لافزعـه ولا معينـي
الليل به طال حتـى الصبـح لـه شابـه =ويش أنت ياصبح مثل الليل مضنيني
يــارب قلـبـي دعــاك بلـيـل محـرابـه =لا تفتن النفس عقب الشيب في دِيني
ضاقت على اللي لغير رضاك ما يابه =وأنت الذي رحمتك لو شئت تنجينـي
يـا قاضـي الديـن دينـي حّــل طّـلابـه =والديـن عسـرٍ علـيّ وشـيّـب بعيـنـي
منـه العبايـر علـى الخـديـن منسـابـه =وادنـاة مـا يعـتـرض دربــي يبكيـنـي
والدين عسرٍ علـى مـن فّتـل اشنابـه =اللـي لهـم صولـةٍ وســط الدواويـنـي
حــرار جــولٍ مـــن الـديّــان هـيّـابـه =لا شافوا المقتضي صـاروا مساكينـي
وإن قلـت ابصبـر لـذل الديـن كـذّابـه =مـا شالـن الديـن مـن قبلـي مزايينـي
مير الـذي مـا حسـب للمقبـل حْسابـه =نـوّخ رْكـابـه وقــال الـمـوت تاليـنـي
لا لجـت الريـح بيـتـك جــوّد اطنـابـه =ولا تـنـزل إلا بـقـاعٍ بـيـن ضلعيـنـي
ضلعٍ ليا من غشاك السيـل ترقـى بـه =وضـلـعٍ ظـلالـه تنصّـاهـا المحيليـنـي[/poem]

أخي الكريم الشاهين شكراً على تنسيقك لقصيدتي ولمرورك الكريم