وهي قصيدة نبطية للشاعر عايد القريشي في رثاء صديقه!!!
وصديقه هو عبيد الله سالم السيد الذي توفي ( يرحمه الله) عام 1410هـ وهذا هو تاريخ القصيدة أيضا ، وقد تأثر القريشي عندها بوفاة السيد كثيرا لما تربطهما من صداقة وصحبة في مجال البحر والسفر والجيرة القديمة في حارة القاد فكانت هذه القصيدة النبطية الرائعة ومنذ أشهر وأنا أبحث عنها بين أوراقي حتى تحصلت عليها من ابنه / حامد القريشي ) فله الشكر على تعاونه واستجابته 0

[poet font="Simplified Arabic,4,blue,bold,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
دنـت رحايل صاحبي والضعـن شـد = وقـفى مع أهل الركب صوب المشارق
ناخت رحايلهم وحطوه في اللحد = فـأرض البقيـع وهيـض الدمع خـافق
من حال شاهدناه حين النظر لـد = في ليل ذاك اليوم والصبـح شــارق
عانق ثـراه وحال دون الثرى سـد = واصبح مع أهـل الكهف في نـوم غـارق
ذاك الصديق اللي معي صادق الوعـد = عني توارى فاللحـود الوثايق
وقفـوا عنه وقـفـّيْـت دمعي على الخـد = أردد الآهـات والصـدر ضايق
من يومهـا لليوم وانا على وقـد = نار اشعلت نارين تشعل حـرايق
نار الخيال اللي عن الطرف ما يـرد = ونار الفراق اللي لجا فالـخـفايـق
هذا وغير اللي على الروح مـاجـد = استقبله لا جـد غير الوسايق
ومنهو على علم الموديـن ومـود = ما يلـوم منهو يدعـي بالحقايق
يا لايمي لا تـلومني قبل ما اتعـد = خمسين عام وعام ولـف المفارق
ما يوم عني غاب واليد باليد = واليوم ما عـرّج على الباب طارق
كل ما بغيت أنساه واقول باصد = ألقى خياله صـوب عيني يبارق
ويـردني لأيـام ما ألقى لها حد = سادت بروح الود من دون عايق
صـرح المودة صعب مبناه ينهـد = اللي تـعلى طابقا فوق طـابق
ماهو حديث العهد من سابق العهد = متوارثينه في صفا جو رايق
ياما لهذا الشان صفحات فالوِرد = كوفية المخطوط جذاب ناطـق
كل ما بغيت أتـلاه من بادي المهد = ضاع الكلام وصاحبتني شهايق
سبحان منهو لا بغى فالعمر مـد = وان هـدّم اللذات كاللمح بارق
واواصل التسبيح بالشكر والحمـد = وادعي لمن لاقاه من قلب صادق
يا الله يا معبود يا خالق العبد = يامن دعاك العبد يارب واثـق
تجعل منازل صاحبي سيد الجـد = منازل الأبرار بين الحدايق



[/poet]
عافاك الله وشافاك ورحم صاحبك وأنزله منازل الصالحين 000