[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامرحبا يامعـرب الجـد iiوالخـال
نسل الشيوخ أهل الشرف iiوالمعـزه
أهديتنـا در القصايـد iiوالأقــوال
فأبيات شعـراً يالأصيـل iiالمنـزه
وشكوى لفتني من كريمين iiالأسبال
بين الضماير فـي خفوقـي تحـزه
لو انهـا بالفعـل والجـاه iiوالمـال
تاصل مـرادك لووراسـور iiغـزه
وأنته مجود من رجاجيـل iiعقـال
هرج الرخـوم الخايبـه iiماتهـزه
وأهل الجهاله بين الاقفى والاقبـال
أعداء النجاح الشـر تبغـى تـوزه
حقد وحسد مابين واشـي iiومحتـال
مجالس أهل الشر خبـث iiوتهـزه
من خلقت الدنيا على هذي iiالحـال
وفي كل جيل وعصر خير iiومخزه
ومايستوي فالأمر عاقـل iiوجهـال
شتـان مابـيـن الـنـداوي iiووزه
والله حسيب الناس في يوم iiالأعمال
تعرض عليه فيـوم صعبـاً iiملـزه
اللي عمل للخير لـو ربـع مثقـال
واللـي عمـل للشـر مثقـال iiرزه
يلقـاه قدامـه مسجـل iiولامــال
ميـزان للأعمـال يلقـى iiمـرزه
إما لجنـاتٍ بهـا أنهـار iiوظـلال
والا لجحيـم يصيرفيهـا iiمـغـزه
مير أطلب اللي كون الأرض وجبال
منشـي السحـاب لخبـةٍ iiمقلحـزه
يجعل لنا في يوم الأهـوال iiمقيـال
في ظل عرشـه فالنعيـم iiانتنـزه
يالشاعر اللـي لصعيبـات iiحـلال
بعزم وعزيمـه صادقـه iiمستعـزه
القافله تمشي ولـو دربهـا iiطـال
ماهمهـا اللـي فالطريـق iiوتقـزه
ومن قال يسلم يالتميمـي iiولاعـال
وبلغ سلامي كـل شخصـاً iiتعـزه



[/poet]

ابو عواد اسمح لي في بوسه على خشمك وعلو خشم التميمي على المراد الزين والكلام الجميل