نقول الحق وننشر الحقيقه .. وين المؤسسه العامه وينها؟

[دموعي دم ولاحد مهتم]

شوفي اختي العزيزة انا اود ان اشارك بما فهمت من الموضوع لانه بصدق يحتاج لشخص يعرف في الحساب او الرياضيات او في الشئون الماليه وانا من هذا العلم خالي الوفاض لااجيد جمعاً او قسمة ً وكل مافهمت من الموضوع انه فيه تلاعب كبير في الحسابات وان مستقبلكم العلمي لايهم امام جشع هذه المعاهد وهذا دليل صريح على تخبط المسيرة التعليمية في بلادنا وبشكل خاص تعليم البنات حيث لاتجد خطوط عريضة وثابته لتعليم الفتاة والاهتمام في حياتها العلمية والعملية والدليل نظام تقاعد النساء العاملات ومافيه من اجحاف علما ان المملكة وقعت اتفاقيات منظمات العمل العالمية ومنها ان العامل مهما كان جنسه له نفس الحقوق والواجبات (رجل او امرأة ) .
وبنظرة عامة لهذه المعاهد الخاصة ان هدفها الربحية ولاشئ غيره ومثل هذه لاتصلح ان تكون محل ثقة ان يدرس بها العلم من أجل العلم .
الامر الثاني :نحتاج للمراقبة امينة على هذه المعاهد من قبل الموسسة العامة للتعليم المعني وكذلك من موسسات التعليم الرسمية بكل اطيافه تعليم عام وتعليم عالي والحمدلله لكل تعليم وزارة لديها من الامكانيات الكثير فمن الواجب ان تحف هذه المعاهد بعين رقيب متمرس هدفه العلم ولاشئ آخر واعتقد ان هاتين الوزارتين وزارة المعارف ووزارة التعليم العالي هي اهلا لهذا .
ان تغافل المسئولين عن مشكلة بهذه الحجم فيه اجحاف بحق العلم وحق ابنائنا بالتعلم .ومانأمله من المسئولين ان لانضيع شاب او شابة يطلب العلم ويجاهد من اجله وان لانتركهم فريسة للمال وجشع اهله الذين لايعرفون من الحياة سواء جمعه وكنزه .

حياك الله اخوي الشــاهين

..

موضوعي لا في حساب ولا شي انت لو قريت الموضوع بتركيز راح تفهم كل شي بالتفصيل
او يمكن انا من قهري وشدة انفعالي لم اشرح مشكلتي بوضوح ..

با اختصار رسوم البرمجة 16 الف ريال ومديرة المعهد بعد انسحابنا من البكالريوس زادت علينـا رسوم البرمجة ليش ما ادري

رغم البرمجه بـ 16 الف والبكالريوس 9 الاف ريال .. يعني المتبقي بعد الانسحاب فقط 16 الف
تقول لا ادفعو 19,200 الف بعد ماتكلمنا واتصلنا على الادارة بجده خلتها بـ 17 الف

ليش زيادة المبلغ فوق المبلغ المطلوب ؟

وين الرقابه ؟

انا ودي اسأل المؤسسه العامه للتدريب المهني والتقني اللي تعتمد شهادات هذي المعاهد

وينهم عن المشاكل اللي تصيــر بالمعاهد الخاصه ؟؟

لو مشكلتي صايره لبنت المسؤل بالمؤسسه كان وقف اعتمادات الشهادات وكان سو وفعل

ليش ما يراقبون الا لما تصير لهم المشكله ؟

وبنات البلــد لا اهتمام لهم ؟ يعني با اختصار اللي ماعندها واسطه ماتقدر تفعل شي !

تصدق عاد ياخوي الشاهيــن صارت لنا اكثر من مشكله من تسجيلنا بالمعهد قسم بالله لو اقول لكم المشاكل اللي صارت لا يشيب شعر رأسكم

في بداية تسجيلنا بالمعهد قالو لنا معتمده من جامعة الملك سعود ومن الوزارة ..

وبعد تسجيلنا ودراستنا قالو لنا الوزارة حولت شهادات معاهد البنات للمؤسسه قالنا مافي فرق

وبعد كم اسبوع قالو لنا الجامعه انتهى عقدها معانا ..


والله والله العظيم والله شاهد على كلامي هذا ان تلاعب الدرجات من نفس المعهد قسم بالله العظيم

وقت الاختبار اكتب الاسئله واجابتي ويوم اطلع من الاختبار اروح اشوف القى كلها صح وماعندي اي غلط ..

واتفاجى بالدرجات ...؟ القى مأخذه 25 من 30 شلون ما ادري

بنهاية الاختبارات رحت شفت نتيجتي لقيت ما اخذه بالرياضيات 78 انصدمت شلون تجي با اختبار النصفي اخذت 48 و 20 حظور + اختبار شهري معقوله با اختبار النهائي اخذ 10 لا اصدق

تهاوشت وسويت ازعاج بالمعهد الا تعاد تصحيح درجتي وبعد التصحيح تطلع نتيجتي 98 .. يعني لو سكت مثل الطالبات اللي واثقين بالمعهد كان معدلي لا يتجاوز 2 ..

مشاكل كثيــره تصير في المعاهد والعالم الله .. ومؤسسة العامه لا تعلم عن اي شي



اي مصداقيه يامعهد جده ؟.

بتعاملكم هذا هل ساتجذبون الطالبات ام تنفرونهم من المعهد ؟؟



ما اقول الا حسبي الله ونعم الوكيــل .. الله فوق وعالم عن كل شي يصيــر وبيأخذ حقي منكم