أنا وانت..
ظلمنا الحب بايدينا
وجينا عليه وجرّحناه
لحد ما داب حوالينا
ماحدش منا كان عايز
يكون أرحم من التاني
ولا يضحي عن التاني
وضاع الحب.. ضاع
ما بين عند قلب وقلب.. ضاع
ودلوقتي لا انا بانساه
ولا بتنساه
ولا بنلقاه
أنا وانت

* * *

أنا وانت اللي كنا زمان
أحب اتنين
وأحن اتنين
وكان أكبر خصام بينا
يدوب في يومين
يادوب في يومين
خصامنا ليه النوبادي زاد؟
وخلى الخطوة بينا بلاد؟
وفرقّنا على طريقين

وضاع الحب.. ضاع
ما بين عند قلب وقلب.. ضاع
ودلوقتي لا انا بانساه
ولا بتنساه
ولا بنلقاه
أنا وانت

* * *

أنا وانت .. ظلمنا الحب
بالغيرة
وجبنا للظنون سيرة
وقطعنا الأمل مرات
ما بين الشك والحيرة
كان الحب بينا كبير
صغر ...
لما ابتدينا نغير
وبردت نار
وقادت نار
وبرضه مشينا في التيار

وضاع الحب.. ضاع
ما بين عند قلب وقلب.. ضاع
ودلوقتي لا انا بانساه
ولا بتنساه
ولا بنلقاه
أنا وانت

* * *

أنا وانت .. نسينا
حتى نتعاتب ونتصارح
وعزّ عليك تسيب العند وتسامح
وعز عليا أكون البادي واتصالح
وأصبح كل يوم بينا
يفوت أصعب من امبارح
نسينا رقة العاشقين
نسينا واحنا مش داريين
نسينا ازاي؟ كده نسينا
وايه ده اللي جرى لينا؟

وضاع الحب.. ضاع
ما بين عند قلب وقلب.. ضاع
ودلوقتي لا انا بانساه
ولا بتنساه
ولا بنلقاه
أنا وانت


ماشاءالله تبارك الله هذا مايميز الشاعر ويميز الكسره كلمات كثيره يتم اختصارها باربعة اغصان لاغرابة فالشاعر القائل استحق لقب فارس الكسره ليس على على اشتراكه ولكن على هذا الاختصار رائع يافارس الكسره