[poet font="Arabic Transparent,4,black,bold,normal" bkcolor="skyblue" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
يالله يارب الضعـوف iiالمساكيـن


اللي لك المخلوق يحسـن iiصلاتـه


تستر على غوشن صغارن iiمكفيـن


أكبرهم العـارف دليلـه iiعصاتـه


لا يـا عيالـي كلبوكـم حبيبيـن


عندي وعند النـاس كلـن iiوذاتـه


عندي غلاكم يدفن الزين iiوالشيـن


وعند العرب كلن تشاف iiاخملاتـه


يا عبيد أنا خابرك ورعن iiلهالحين


داوي بغبـات الجهـل iiوظلماتـه


لاشك علمي لك محبـه iiوتفطيـن


تسمـع الوالـد وثبـت iiوصاتـه


وصاة مخلوقن يعـرف iiالقوانيـن


مافاة عمـره بالجهـل iiوالهياتـه


يا عبيد اناأوصيك منـي iiبثنتيـن


ثنتين هن سؤ البشـر iiوحسناتـه


أوصيك لاتبحث سـدود iiالمغيبيـن


ولاتجهر اللـي غارقـن iiبغفلاتـه


ترى النميمه تمحق الرزق iiوالديـن


والمنزل العالـي تهـدم iiاطبقاتـه


لاتحسبن أهـل الظليمـه iiبخيتيـن


كلن يوافق ما عمـل فـي iiوفاتـه


وانذرك حق الضعيـف iiالمسيكيـن


اللي علـى حقـه يهـل iiاعبراتـه


ترى الضعيف الليا غدى الليل ليلين


يدعي وعنـد الله توافـق iiادعاتـه


الظلم فان الظلم يفنـى iiالسلاطيـن


ياويل راعي الظلم مـن iiمقبلاتـه


وانذرك عن ربعة رخو من iiهياسين


اللـي سوالفهـم بـوده iiوهـاتـه


ويا عبيد الأقشر لوصفا لك iiنهارين


نهار ثالث جـاك يرفـع عصاتـه


والله عندي ربعة الناس الأقصيـن


ولا صديقـا يبلشـك فـي iiحياتـه


ترى الرجال ابهم فهود iiوحياويـن


جاك الكلام اللي صحيحـا iiثباتـه


ان كان ما تدري ترى الناس iiدراين


الرجل مدحـه بالمجالـس طراتـه


رجلن تعلق به رجالـن iiمسلميـن


عـز الرفيـق ولابتـه iiوالحماتـه


ورجلن تشوفه جسم وعيون iiويدين


ولولا الشعر ما تفرقه من iiخواتـه


كم واحد بالبيت يضـرب iiبسيفيـن


وأن جاء حزم كلاب قبـع iiعباتـه


والحلم عن الغيض ينجي iiالشياطين


يكفيك شر إبليس هـو و iiدحراتـه
[/poet]