الطنب المشلوع

[الشاهين]

[poem=font="MS Dialog,5,white,bold,normal" bkcolor="darkred" bkimage="" border="outset,3," type=0 line=1 align=center use=ex num="0,black"]
لاَ سَلَّـمْ الله يمـيـنٍ مِـنْـك صادَتْـنـي =يـا مدمـي الهامـه الله عَنْـك مرفوعـه
أعيـاك راسـي وطـاوَلْ للسمـا مَتْـنـي =وانـت اسكنَتْـك الدنايـا جحْـر يربوعـه
ماني بمثلـك سحابـي مـا يجـي هَتْنـي =أنـا تـرى وابــلٍ جَـرّتْـه مَتْبـوعـه
وان كـان الانـذال عابَتْـنـي وْسَبَّتْـنـي =الوَرْد يغري دبيـب القـاع فـي ضَوْعـه
أنعمنـي الله عليـك ورام بــك فَتْـنـي =والتِبْـر بالنـار يُجلـى للبشَـر نـوعـه
دِنْيَـاً علـى غيـر مشهـاتـي تولّتـنـي =وانا علـى السِّلْـم الاوَّلْ واتْبَـعْ سْنوعـه
كم نوّخَـتْ بـي علـى اللوعـه وْخَلّتْنـي =أظمـا وعـن جَمّهـا رِجْلَـيّ مَمْنـوعـه
فيهـا كمـا الـوَرْق للأغصـان حَدَّتْـنـي =يبكي وهـو يطـرِبْ المشتـاق بِسْجوعـه
وانا علـى الشـوك مـن مبـداي مَشَّتْنـي =ولا هي بتصفى وعمري يَطْـوي شْروعـه
للقـاف مـن غِمْدهـا الموجـوع سَلّتنـي =ليـن انثنيـت لْحَشـاي آدوزِنْ وْجـوعـه
كـم وَقّفتنـي علـى الأطـلال وابْكَتْـنـي =على رجا فَجْرهـا اللـي مبطـي طْلوعـه
آشِـبّ نـاري علـى النايـف وْشَبّتـنـي =بالله وش حَيّ تصلـي جوفـه ضْلوعـه؟!
خَلَّيـت مـا لـي حبيـب خْطـاه لَبَّتْنـي =والريح تـدوي وطنْـب البيـت مَشْلوعـه
وشلـون كَـفٍ روَتْ جـالـي وْلَمَّتْـنـي =رَدَّتْ على الروض الاخضر تَحْرِقْ زْروعه
والنـاس هـذا شـفـوق وذاك يبهتـنـي =والسـوّ لـه كلمـةٍ بالنـاس مسمـوعـه
أقفـت ركـاب المـودّه مــا تحَرّتـنـي =لين أشْهَبْ اللال جَـز الرَّكْـب وِمْتوعـه
مـا بيـن يَمْنَـيً سطَـتْ وِشْمـال لَفّتنـي =حب انطـوى بالعـذاب وْبَـادَتْ شْموعـه [/poem]

عودا حميدا شاعرتنا القديرة .كل عام وانت بخير.