برقعوني ! وأنا حرٍ هواه الهداد

[الشاهين]

[poem=font="Simplified Arabic,5,orange,normal,normal" bkcolor="indigo" bkimage="" border="none,4," type=0 line=0 align=center use=ex num="0,black"]
كان تنشد عن علومي يجيـك الوكـاد =مابدنيـاً تقفّـت بالاجاويـد خـيـر
لعنبو من على الدنيا يصيبـه سهـاد =يوم عشت الفقير وكان مت الفقيـر
لوزهمت الليالي قيل وين أنـت غـاد =روّح الركب ما نوّخت معهم بعيـر
برقعوني وأنـا حـرٍ هـواه الهـداد =وثلموا حد سيفي يوم سيفي شطيـر
أتلظى بكبـدي جمـر ويـن البـراد =كـل دربٍ تلقيتـه بعينـي هجيـر
إن كتبت القصيـده دم جوفـي مـداد =وإن حبست القصيده دمع عيني غدير
روحي اللي تضايق في وسيع الوهـاد =حيرتني وانا مالي جنـاح وأطيـر
كل ما قلت هان العـوق بالقلـب زاد =كن قلبي لغربـال الليالـي خشيـر
دارس الود يـوم إنـا غدينـا بعـاد =ويش خلاّه يرجع مثل طفلٍ صغيـر
اتذكرك قصر الرمـل يومـه يُشـاد =ما تحملت عند الجال مـوجٍ هديـر
لا تدوّر خضار الغصن عقب الجـراد =ما بقى من ربيعي كود قـافٍ كسيـر [/poem]
قلت اخذ هذا الشطر لكي اجعله عنوان لمداخلتي ولكن سبقني على الحب شطره الثاني حاولت اختار ان اقطف وردة من البستان فطمعت في البستان كله .
لله درك من شاعره اختنا وحيدة السعودية فيك الخير والخير قافك يدخل القلب بلا استئذان ايتها المبدعة .لاحرمناك فنحن ننتظر القادم فجودي من ازهارك الجميلة ذات اللون والعبير الخاص سلمتي لنا مبدعة دائما.