ثالثاً : المشرفون في إدارات ومراكز الإشراف التربوي تكون إجازاتهم على النحو الآتي :
1. المشرفون التربويون في إدارات العموم في جهاز الوزارة وفي إدارات الإشراف التربوي في إدارات التربية والتعليم
يعاملون من حيث الإجازة معاملة الموظف من حيث مدة الإجازة العادية وتاريخ التمتع بها والتعويض عن الإجازة التي لم
يتمتع بها .
2. مراكز الإشراف التربوي تبدأ إجازات جميع مشرفي الإشراف التربوي بعد أسبوعين من نهاية الاختبارات وتكون
عودتهم مع عودة المعلمين
هذا ماتضمنه القرار الأخير لوزارة التربية والتعليم .

كما سبق والوضع على ماهو عليه .اليوم نحتاج شحذ الهمم لمحاولة فك رموز شفرة قرارات وزارة التربية وبحكم انني من غير المنتسبين عملاً لها سوف اعطي لنفسي ترجمة مافهمته من هذا القرار :
أ - يعاملون من حيث الإجازة
يعني اجمالي مايستحقه من أيام اجازة في السنة .

ب -معاملة الموظف من حيث
مالها ترجمة لكن يمكن قصد انهم اصبحو موظفين طيب أول وقبل القرار اش كانو !!! معلمين او مشرفين لسان حال القرار ..أنت وش يخصك لسان حالهم ايضا.... اقول ممكن اعرف سبب كثرة (من حيث ) في قراراتكم ليه ؟؟
ج - مدة الإجازة العادية وتاريخ التمتع بها والتعويض
طيب ياجماعة الخير الموظفين يختلفون في مدة الاستحقاق السنوي من الاجازة .لكن ماشي هذي عرفناها هات الي بعدها....تاريخ التمتع بها ...ايه اش فيه.... يعني كيف انتم تحددونه او ماذا. خلاص قلنا تاريخ التمتع يعني متى مابغى هالموظف يروح الاجازة ماحد يرده ........بعدين اشوفكم ماهي عجبتكم قراراتنا انتم ياقوم النت والمراقع عفو المواقع والله مابقي غير تعلموناالصح من الغلط شوف يا اخو انت تراك غثيتني كل شوي وانت تسئل هذا وشهو وهذا أيش حبيبي الي مثلك يضرب رأسه بالجدر إن فهم علومنا ..ياخي استح انت ما أنت من منسوبينا حنا يدوب في لهدنا من الي عندنا .....المهم ودك تستفسر ثاني انا عندي عمل ماني فاضي مثلكم ياقوم النت ...نعم كلمتين وبس نفسي اعرفها .......هات
د - التعويض عن الاجازة التي لم يتمتع بها
بس هذي يعني ..الي مااخذ اجازة قبل يكون موظف نصرف له مقابلها فهمت هذي والا اعيدها .. الصحيح مافهمت شئ غير التمتع والتمتع بها ..أعوذ بالله انت يشين راسك مافيه عقل يعني مخ ...أكذب عليك ياطويل العمر ان قلتك لا ..يمكن راسي خالي من الاثنين المخ والعقل والسبه انت ياسعادة القرار تخاطبني كأني جالس معك على شبة النار في الصبح والدلال ونقذع تمر.
ياخوي انت والله انك من جنبها ابودارك ان الكلام فاضح نفسه قرارنا واضح وهلازينه شوف يعني لو جماعتنا الي
اصبحو موظفين ذوان عندهم كم يوم من حسبة السنين الي مضت ماخذوها مثل خلق الله الي يطامرون كل سنة اجازة نحسبها لهم ونصرفها اما نقدي والا بدل يوم بيوم .هاه بشر عساها انفهمت هالحين .....مادري .......ماتدري
أقول علك ماتدري وان شاء مادريت الحق علي الي نزلت نفسي وبغيت افهمك ........
هذا ماقاله لي لسان حال القرار عفو سعادة القرار الموقر لايكون سامعني....

وسامحوني هذا ماقدرت اعرفه من سعادة القرار !!!!!