شكرا الاستاذ عواد الجهني
يا سلام عليك كلام فالصميم زي الصكر يدل على قلبك الطيب وجا عالجرح
هذي الاشياء تزيد الالفة والمحبه (تهادوا تحابوا) زمان وياسلام على زمان الناس اللي يجوا من الحج يجيبوا الفراحه يعني جواد ولا حاجه واحنا صغار ندور على الزقره والحلاوه الحمصيه واللي يجي من المدينه يجيب الصربان والمكانس والشربه ودود البنات
الجار لما يجيب كيلو بردقان يقسموه على الجيران وتلقى البزران الضحى يدورا على البيوت تقولكم امي اعطونا ملح وبعد قليل تقولكم امي اعطونا ثوم يعني لو وفروا على نفسهم المشاوير وقالوا ركبولنا غدا بالمرة اهون
قلوب طاهرة ونقيه الفه ومحبه اتباع لتعاليم الدين ياسلام على التباسي فرمضان على روص البنات والعيال اتحدى احد يسوي زي ينبع والله حتى ولا اليابان يخسوا
بس عاد ياعواد دحين يوووووه الله يلطف الجار مايعرف جاره الخير كتير الحمد لله بس النفوس ماهي طياب تلقى الواحد يقضي بالكراتين وتنرمي فالزباله ولا يدري عن جيرانو ولا اقاربه ولا المحتاجين
الله يسترها ويفرجها يا شيح